Dinı bilim berý oryndary memlkettik lıtsenzııany elektrondy túrde rásimdeı alady

Bul týraly búgin Astanada semınar barysynda QR Bilim jáne ǵylym mınıstrligi Bilim salasyndaǵy áreketterdi lıtsenzııalaý basqarmasynyń bas sarapshysy Aıtqazy Sharyqbaev málim etti.

 "Qazirgi ýaqytta jańa zańnama boıynsha kez kelgen dinı oqý orny mindetti lıtsenzııalaýdan ótýi qajet. Osyǵan oraı túrli ákimshilik kedergiler jeńildetilýde. Máselen, dinı bilim berý uıymdarynan ótinish túsken ýaqytta, memlekettik organdar oǵan burynǵydaı bir aı emes, 15 jumys kúni ishinde jaýabyn berýi tıis. Sonymen qatar dinı bilim berý oryndary memlekettik lıtsenzııany elektrondy túrde rásimdeı alady. Tek memlekettik talaptar oryndalsa bolǵany", - deıdi A. Sharyqbaev.

 Onyń aıtýynsha, respýblıka aýmaǵynda memlekettik lıtsenzııasy bar 9 bilim orny bar. Olardyń arnaıy bilim berý baǵdarlamalary Din isteri agenttigimen qadaǵalanyp otyrady.