Dinı basqarma men jalpy qoǵam din salasyndaǵy keleńsiz qubylystarmen birlese kúresýi kerek - Bas múftı

Búgin Astanadaǵy Áziret Sultan meshitinde «Bas redaktorlar klýby» múshelerimen kezdesý barysynda Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly osylaı málim etti.

Sóz basynda Bas múftı álemde de, egemen elimizde de dinı, rýhanı turǵydan ótpeli kezeńde, ótkelde turǵanyn aıtyp, dinı ahýaldyń jeńil emestigin tilge tıek etti. «Qoǵamdaǵy din máselesi óte ózekti máselege aınalyp barady. Tipti búgingi zamanda álemniń túkpir-túkpirinde neshe túrli keri qubylys, jat dúnıe shyqsa, sol dinniń solqyldaqtyǵynan shyǵyp jatyr. Osy turǵydan alǵanda din salasyn tek Dinı basqarmanyń ǵana mindeti etip júktep qoıý durys emes. Bul búkil Qazaqstan halqynyń sonyń ishindegi qoǵamdyq uıymdardyń da keleli mindeti. Biz din isindegi keri qubylystarmen el bolyp kúressek qana ótkelden durys ótemiz», - dep atap ótti Erjan qajy Malǵajaruly.

Osy rette Bas múftı din isindegi problemalar tek basqarmanyń moınynda bolmaýy kerektigin aıtyp, ondaı jaǵdaı Dinı basqarmaǵa aýyr tıetinin moıyndady.