Dinı baǵyttaǵy balabaqshalardyń jumysy toqtatyldy - mınıstrlik

ASTANA. QazAqparat - Dinı baǵyttaǵy balabaqshalardyń jumysy toqtatyldy. Bul týraly Senattyń Áleýmettik-mádenı damý jáne ǵylym komıtetiniń keńeıtilgen otyrysynda  QR Qoǵamdyq damý vıtse-mınıstri Berik Aryn málim etti, dep habarlaıdy QazAqparat.

«Byltyr búkil balabaqshalarǵa tekserý júrgizdik. Shynymen de olardyń arasynda dinı baǵyttaǵy balabaqshalar anyqtaldy, sonyń ishinde Almatyda jáne basqa qalalarda boldy. Atap aıtqanda, olardyń jumystary jergilikti atqarýshy organdardyń kúshimen toqtatyldy. Bul jerlerge dinı top músheleriniń balalary ǵana barǵan»,- dep naqtylady Berik Aryn.

Onyń sózine qaraǵanda, bilim berý uıymdarynda osyndaı monıtorıngtik sharalar júrgizilip turady.

Aıta keteıik, Áleýmettik-mádenı damý jáne ǵylym komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý týraly» zań jobasy talqylandy. Jobada memlekettik qyzmetshilerdiń din salasyndaǵy ádebine baılanysty birqatar talaptar naqtylanǵan. 

Otyrys barysynda Berik Aryn turaqty aılyǵy joq ımamdardyń máselesi sheshý baǵytynda Úkimetke tıisti usynys jasalǵanyn atap ótti.