Dinı alýantúrlilik álsizdik emes, úlken kúsh – BUU Bas hatshysynyń orynbasary
«Bul bastamanyń Qazaqstanda týýy kezdeısoq emes. Qazaqstanda júzden astam ult pen kóptegen dinı birlestikter tatý turyp jatyr. Adamzat qazir ekinshi dúnıejúzilik soǵystan keıingi tarıhtyń óte mańyzdy kezeńinde tur. Biz barlyq dinderdiń kúsh-jigerin biriktirýimiz kerek jáne dinı alýantúrlilik álsizdik emes, kúsh ekenin túsinýimiz kerek», - deıdi Mıgel Anhel Martınes.
Sonymen birge, BUU Bas hatshysynyń orynbasary ár mádenıet pen ár dindi qurmetteý qajettigin aıtty.
«Dıskrımınatsııa bárimizdiń quqyǵymyzdy buzady, bul árqaısymyzdyń tolyq áleýetimizdi ashýǵa múmkindik bermeıdi. Din adam quqyqtaryn qurmetteý úshin kúresýdiń qýatty quraly bolyp sanalady. Qazirgi ýaqytta BUU Órkenıetter alıansy aıtarlyqtaı qıyn jaǵdaıda. Geosaıası landshafttaǵy eleýli ózgerister, ýnıpolıarlyq tendentsııasy, dinı jáne etıkalyq sıpattamalar boıynsha bólinister Batys pen basqa álem arasyndaǵy alshaqtyqqa ákep soǵýda. Órkenıetter alıansy álemniń túrli bólikteri arasynda kópirler salýǵa tyrysady. Qazaqstan búkil álemde kelisim men beıbitshilikti qamtamasyz etý úshin osy jumystyń jáne osy bastamanyń óte mańyzdy bóligi bola alady», - dedi Mıgel Anhel Martınes.
