Dinge qatysty qabyldanbaı qalǵan zań qaıta qaralýy kerek - Ábsattar qajy Derbisáli
ASTANA. Qazannyń 26-sy. QazAqparat /Aıdar Ospanalıev/ - Ádilet mınıstrligi janyndaǵy Din komıtetin agenttikke aınaldyrý týraly máseleniń kóterilgenine biraz ýaqyt boldy jáne ol solaı bolatyn da shyǵar. Menińshe, eń bastysy agenttik barynsha batyl jumys isteýi kerek.
ıAǵnı atalmysh organnyń mártebesi kóterilgennen keıin ol sol mártebesine saı jumys isteýi tıis. Bul pikirdi búgin Qazaqstan halqy Assambleıasynyń 15-shi sessııasynyń barysynda jýrnalıstermen suhbattasqan Qazaqstan musylmandary Dinı basqarmasynyń tóraǵasy Ábsattar qajy Derbisáli bildirdi, dep habarlaıdy QazAqparat.
Onyń aıtýynsha, agenttik ásirese dinı sektalarmen jumysty jandandyrǵany durys. «Qazir elimizde kóptegen sektalar bar jáne olardyń keıbiri zańǵa jatpaıtyn áreketter etýde. Osy máselelerdiń aldyn alý jáne toıtarys berý úshin agenttik batyl qadamdarǵa barýy kerek. Atalmysh organ tipti osyǵan deıin dinge qatysty qabyldanbaı qalǵan zańdy qaıta kóterip, onyń qabyldanýyna yqpal etýi tıis degen oıdamyn. Sonda ǵana ol óz mártebesine laıyqty jumys isteıdi», dedi basqarma tóraǵasy.
