Dindi jeleý etip áskerı boryshyn óteýden bas tartatyndardyń máselesi sheshiletin bolady
ASTANA. 29 sáýir. QazAqparat - Qazaqstan Respýblıkasynyń Din isteri jónindegi agenttigi Otan aldyndaǵy áskerı boryshyn óteýge dini ruqsat etpeıtin azamattardyń máselesin sheshpek.
Din isteri jónindegi agenttiktiń dinaralyq qatynas departamentiniń dırektory Baqytjan Kúlekeevtiń aıtýynsha, Qazaqstan Respýblıkasynyń ár azamaty Ata zańnan attap kete almaıdy. Qaı dinniń ókili bolǵanyna qaramastan ol Otan aldyndaǵy paryzyn óteýi tıis.
«Dinı senimin jeleý etip, áskerde qyzmet etýden bas tartqan azamattardyń bar ekendigin aıta ketý kerek. «Qazirgi ýaqytta biz adamdardyń nanym-senimine qatysty quqyǵyna qol suqpaı, memleket aldyndaǵy mindetin oryndatýdyń ózge joldaryn izdestirip jatyrmyz»,- dedi Baqytjan Kúlekeev. Onyń aıtýynsha, qarý ustaýǵa dini ruqsat etpeıtin azamattar ásker qatarynda ózge qyzmetterge tartylýy múmkin», - dep jazady muslim.kz saıty.
