Dindi saıasattyń quralyna aınaldyrmaýymyz qajet - Bas múftı
«Búgingi tańda álem qarqyndy túrde ózgerýde. Adamgershilik qasıetter kóbine tasada qalyp jatqan qazirgi jahandaný zamanynda boıyna rýhanı qundylyqtardy jınaǵan jandar ǵana sana soǵysynan aman qalyp, qaýip qaterden qutylady. Jańa zamandaǵy úrdister men syn-qaterlerge tótep berýdiń tóte joly - dinimizdiń asyl qundylyqtary men órelik órnektelgen dinı tanymymyzdy qaıta jańǵyrtý. Bizdiń dinı rýhanı tutastyǵymyzdy qamtamasyz etip otyrǵan, ortaq tarıhymyz ben mádenıetimiz bar. Olaı bolsa, syrttan kelip jatqan tasqyndarǵa tótep berý úshin Eýrazııa musylmandary mádenı jáne rýhanı ıntegratsııany jandandyrýymyz kerek. Biz ózimizdiń tól dinı tulǵalarymyzdyń ónegelerin dáripteýimiz qajet. ıAǵnı, tulǵataný izdenisterin júrgizip, birneshe tilde ortaq hrıstomatııalar men oqýlyqtar shyǵarý kerek dep sanaımyn. Sondaı-aq, ortaq tulǵalardyń jyl saıyn dástúrli oqýlaryn júıeli túrde uıymdastyrǵanymyz abzal», - dedi Bas múftı.
Budan bólek ol qazirgi syn-qaterlerge tıisti deńgeıde qarsy turý úshin Eýrazııa halyqtarynyń, Eýrazııa musylmandarynyń rýhanı birigýi tujyrymdamasyn ázirleýdi usyndy. Sonymen qatar, Eýrazııa musylman ǵulamalary forýmynyń turaqty hatshylyǵyn qurý kerektigi aıtyldy. Bul turǵyda hatshylyq Eýrazııa musylmandarynyń rýhanı birigýi tujyrymdamasyn ázirleý boıynsha jumys organy bolmaq.
«Biz qandaı jaǵdaıda da dindi saıasattyń quralyna aınaldyrmaýymyz qajet. Qazirgi álemdegi kúrdelengen dinı ahýal din qyzmetkerleriniń jaýapkershiligin odan saıyn arttyra tústi», - dedi Serikbaı qajy Oraz.
