Dindi destrýktıvti maqsattarda paıdalaný múmkindigine tosqaýyl qoıylady
Aıta keteıik, búgin Parlament Májilisinde «QR keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý» týraly zań jobasy tanystyryldy. Osy oraıda qujatta alǵash ret «destrýktıvti dinı aǵym» jáne «dinı radıkalızm» sııaqty uǵymdardyń zańdy anyqtamasy engizilip otyr.
Zań jobasyn qabyldaý konfessııalyq qatynastardy quqyqtyq turǵyda jańa deńgeıge shyǵaratynyna toqtalǵan ol, «2011 jyldan beri alty jyldan astam ýaqyt ótti. Sol ýaqyttan beri qazirgi kezde sheshimin qajet etetin máseleler jınaqtalyp qaldy. Dinı qyzmet jáne dinı birlestikter máseleleri boıynsha zańnama quqyqtyq normalardy bekitýi tıis. Osy oraıda azamattardyń quqyǵyna kepildik beriledi ári qorǵalady, al ekinshi jaǵynan dindi ekstremıstik jáne basqa da destrýktıvti maqsattarda paıdalaný múmkindigine tosqaýyl qoıylady. Qujat bilim alý sharalaryn retteýge jol ashatyn normalardy qamtıdy. Sonymen qatar onda birqatar shekteýler qarastyrylǵan. Biz dinı qoǵamdastyq arasynda atalǵan sharalar dinı ahýaldyń turaqtylyǵyn qamtamasyz etý turǵysynda jasalyp otyrǵanyn túsindirýdemiz», - dedi A. Ábýov.
Osy oraıda ol búginde álemniń keıbir elderinde dinı problemalar ózekti bolyp otyrǵanyn eske salyp ótti.
Aıdar Ábýovtyń paıymynsha, dinı sala joǵarǵy sezimtaldyqqa tap bolýda. Bul jaǵdaılarda din salasynda úılesimdi ári tıimdi memlekettik saıasatty qurý mańyzdy bolyp otyr.
Sóz sońynda ol Qazaqstan jahandy syn-qaterler jaǵdaıynda óziniń ulttyq rýhanı qundylyqtaryn, dástúrin, bolmysyn saqtaý úshin qajetti sharalardy qabyldaýy tıis ekenin atap ótti.
Budan buryn habarlanǵandaı, atalǵan zań jobasynda dinı bilimdi shetelde alýǵa qatysty Qazaqstanda tıisti shekteýler qarastyrylyp otyr.
