«Dinder terrorızmge qarsy» halyqaralyq konferentsııaǵa ázirlik bastaldy
ASTANA. QazAqparat - Qazaqstan Respýblıkasy Parlamenti Senatynyń Tóraǵasy, Álemdik jáne dástúrli dinder lıderleri Sezi Hatshylyǵynyń Basshysy Qasym-Jomart Toqaev «Dinder terrorızmge qarsy» halyqaralyq konferentsııasyna ázirlik jáne ony ótkizý jónindegi jumys keńesin ótkizdi. Shara 2016 jylǵy 31 mamyrda Astanada Álemdik jáne dástúrli dinder lıderleri Sezi Hatshylyǵynyń XV keńesi qarsańynda bolady.
Forýmǵa parlamentshiler, álemdik jáne dástúrli dinderdiń, sondaı-aq sarapshylar qaýymdastyǵynyń ókilderi qatysady.
Keńeske Senat Tóraǵasynyń orynbasary Asqar Beısenbaev, Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov, syrtqy ister, mádenıet jáne sport mınıstrlikteriniń, Mádenıetter men dinderdiń halyqaralyq ortalyǵynyń, basqa da mekemelerdiń ókilderi qatysty. Senat Tóraǵasynyń pikirinshe, «Dinder terrorızmge qarsy» konferentsııasyn ótkizýdiń mańyzdylyǵyn ýaqyttyń ózi talap etip otyr. Forým Qazaqstan Prezıdenti N.Nazarbaevtyń bastamasymen ómirge kelgen Álemdik jáne dástúrli dinder lıderleri Seziniń aıasyndaǵy saıası jáne dinı qaıratkerlerdiń únqatysýyndaǵy kezekti kezeńge aınalady. Q.Toqaev konferentsııanyń tujyrymdamalyq jáne uıymdastyrý máselelerin muqııat pysyqtaý qajettigine jınalǵandardyń nazaryn aýdardy.
