Dinder sezi qazirgi álemdegi kúrdeli kezeńde, daǵdarysty jaǵdaıda ótip jatyr - QR Prezıdenti

NUR-SULTAN. QazAqparat – QR Prezıdenti Qasym-Jomart Toqaev Rım Papasy Frantsıskti elorda áýejaıynda qarsy aldy, dep habarlaıdy QazAqparat Aqordanyń resmı saıtyna silteme jasap.

Prezıdent Qasym-Jomart Toqaev Rım Papasy Frantsıskpen elorda áýejaıynda kezdesti.

Kezdesý rásimi barysynda memleketter basshylary bir-birine eki eldiń delegatsııa múshelerin tanystyrdy. Sodan keıin Qazaqstan Prezıdenti men Katolık shirkeýiniń basshysy prezıdenttik termınaldyń Kamındi zalynda qysqasha áńgimelesti.

Qasym-Jomart Toqaev Rım Papasyna iltıpat bildire otyryp, onyń Qazaqstanǵa kelýge sheshim qabyldaǵany úshin shyn júrekten alǵys aıtty.

– Bul oqıǵanyń tarıhı mańyzy bar ekeni sózsiz. Sizdiń saparyńyz, eń aldymen barsha qazaqstandyqtyń nazaryn aýdaratynyna kámil senemin. Sizdiń saparyńyzdyń aıasynda memlekettik apparattyń, azamattyq qoǵamnyń, dıplomatııalyq korpýstyń jáne BAQ-tyń ókilderi qatysatyn is-shara ótedi. Barlyǵy Sizdiń sóıleıtin sózińizdi asyǵa kútip otyr. Sizdiń Álemdik jáne dástúrli dinder kóshbasshylarynyń VII sezine qatysýyńyz – zor mańyzy bar oqıǵa. Sizdiń sharaǵa arnaıy qatysýyńyz atalǵan forýmnyń tabysty bolýyna úlken septigin tıgizedi. Jıyn qazirgi álemdegi kúrdeli kezeńde, daǵdarysty jaǵdaıda ótip jatyr deýge bolady, – dedi Prezıdent.

Kezdesýden keıin joǵary mártebeli qonaqtyń korteji Aqordaǵa baǵyt aldy.

Foto: akorda.kz