Dindarlar ateısterge qaraǵanda deni saý bolady
ASTANA. 13 qańtar. QazAqparat - Dárigerler dindar adamdardyń kóp jabyrqaı bermeıtinin ári jumysta bolyp jatatyn kúızeliske tózimdi bolatyn jáne densaýlyǵyna baılanysty demalysqa sırek shyǵatynyn anyqtady, dep habarlaıdy Qazaqstan musylmandary dinı basqarmasynyń resmı saıty.
Brıtanııanyń Stokportyndaǵy Densaýlyq pen qaýipsizdik laboratorııasynyń aǵa psıhologi Rosan Djervaıs: «Dindarlyq adamdardyń qyzmette kezdesip jatatyn san alýan qıynshylyqtar aldyndaǵy tózimdiliginiń qaınar kózi bolyp tabylatynyn bizdiń zertteýlerimiz kórsetip otyr. Mundaı jeke nanym tek qyzmetkerler úshin ǵana emes, sol sııaqty jumys berýshilerge de paıdaly bolar edi, adamdardyń boıynda aralyq aımaq paıda bolady», - dep óz zertteýiniń nátıjesi týraly málimdedi. Bul týraly Ansar. rý habarlap otyr.
Sondyqtan dárigerler bastyqtardy qyzmetkerlerdiń óz dinderiniń talaptaryn oryndaýǵa múmkinshilik berýge jáne osy máseleni eskerýsiz qaldyrmaýǵa shaqyrady.
Bul dinı nanymnyń adam densaýlyǵy úshin paıdaly ekenin kórsetip otyrǵan alǵashqy zertteý emes ekenin atap ketken durys.
