Dindar áıelder tort pisirýden sheberlikterin shyńdady
ALMATY. QazAqparat – Almatyda dindar áıelder tort pisirýden sheberlikterin shyńdady, dep habarlaıdy QazAqparat tilshisi.
Arnaıy sheberlik kýrsy Almaty qalasy Qoǵamdyq damý basqarmasynyń janyndaǵy «Keńes berý jáne ońaltý ortalyǵynyń» uıymdastyrýymen ótti.
Sheberlik-sabaqty balkúlshe pisirýden jeke kásibi bar jáne bul kásiptiń qyr-syryn meńgergen maman, teolog Nazerke Jetpisbaıqyzy ótkizdi.
«Bul sharany uıymdastyrýdaǵy maqsat – úı sharýasymen aınalysatyn áıelderdi qosymsha tabys tabýdyń kózi retinde tátti tort pirisip, tapsyrys qabyldap, óz kásipterin ashýǵa úıretý», - dediNazerke Jetpisbaıqyzy.
26 dindar áıel eki topqa bólinip qazirgi kezdegi suranysqa ıe torttardyń birqatar túrin sheberdiń kómegimen pisirip, meńgerdi. Sonymen qatar olardy túrli tásildermen ásemdeýdi úırendi.
Sheberlik-sabaqtyń sońy dastarhan basyndaǵy sháıǵa ulasty. Qatysýshylar barlyq úırengenderin úıde jasap, jaqyndaryn táttilerimen qýantatynyn jetkizdi.
