Dinbasylary qazaqstandyqtardy Pasha meıramymen quttyqtady
ASTANA. Sáýirdiń 3-i. QazAqparat - Astana jáne Almaty arhıepıskopy, Qazaqstan Respýblıkasyndaǵy Mıtropolıttik okrýg basshysy Aleksandr qazaqstandyqtardy qasıetti Pasha meıramymen quttyqtady.
«Sizderi Pasha jarqyn merekesimen shyn júrekten quttyqtaımyn! Ejelgi Qazaqstan jerinde tynyshtyq pen kelisimde tatý-tátti turyp ómir súrip jatqan barlyq halyqtar ókilderiniń júrekterine búgin jylylyq pen qýanysh uıalasyn», - delingen arhıepıskop Aleksandrdyń merekege oraı joldaýynda.
Sondaı-aq pravoslav hrıstıandaryn osy aıtýly merekemen Qazaqstan musylmandary Dinı basqarmasynyń tóraǵasy, Bas múftı sheıh Ábsattar qajy Derbisáli quttyqtady.
«Jaratqannyń shapaǵatymen, sondaı-aq el Prezıdenti Nursultan Nazarbaevtyń sarabdal saıasatynyń arqasynda respýblıkamyzda turaqtylyq pen ózara túsinistik, tynyshtyq pen kelisim saqtalyp otyr. Siz arqyly búkil Orys pravoslav shirkeýine otandastarymyzdyń rýhanı densaýlyǵyn, patrıotızmge tárbıeleý, azamattyq tynyshtyq pen kelisimdi nyǵaıtý jolyndaǵy eńbegińizge tabys tileımin», - delingen Bas múftıdiń Astana jáne Almaty arhıepıskopy, Qazaqstan Respýblıkasyndaǵy Mıtropolıttik okrýg basshysy Aleksandrǵa joldaǵan quttyqtaýynda.
