Dinbasy túrkııalyq ǵalymdardy qabyldady
ASTANA. 19 sáýir. QazAqparat - Qazaqstan musylmandary dinı basqarmasynyń tóraǵasy, Bas múftı, sheıh Ábsattar qajy Derbisáli Túrkııanyń burynǵy múftıi Álı Bardakoǵly bastaǵan delegatsııany qabyldady.
QMDB málimetine qaraǵanda, delegatsııa quramynda Marmara Islam ilimderi ýnıversıtetiniń beldi professorlary, ǵylym doktorlary bar.
Keleli kezdesýde Dinbasy qazaq pen túrik baýyrlas halyq ekenin jetkizdi. «Túrki tildes elderden shyqqan qanshama ǵulamalar Islam nasıhatyna kóp úles qosqan. Men qazaq topyraǵynan shyqqan bir emes, 30 ál-Farabıdyń baryn dáleldep, arnaıy kitap jazdym. Bizdiń babalarymyz Islamdy qabyldaýmen qatar, asyl dinimizdi baıyta túsken. Qazir elimizde 2500-ge jýyq meshit bar. Onyń kóbisi táýelsizdigimizdiń 20 jyldyǵynda turǵyzyldy. Allaǵa shúkir, halqymyz qulshylyǵyn emin-erkin atqarýda», - dedi Bas múftı.
