«Dinaralyq kelisim men túsinistik - ózgelermen ortaq til tabysýǵa umtylystyń jemisi» - respýblıkalyq basylymdarǵa sholý

Keshe QR Prezıdenti Nursultan Nazarbaev Almatydaǵy rezıdentsııasynda Máskeý jáne Búkil Reseı Patrıarhy Kırılldi qabyldady. Orys pravoslavıe shirkeýiniń basshysy Qazaqstanǵa Elbasynyń shaqyrýymen kelgen edi. Kezdesý barysynda toleranttylyqqa, konfessııaaralyq jáne ultaralyq kelisimge qatysty máseleler talqylandy. Osy kezdesýge oraı «Egemen Qazaqstan» gazetinde «Dinaralyq kelisim men túsinistik - ózgelermen ortaq til tabysýǵa umtylystyń jemisi» degen taqyryppen maqala jaryq kórdi. Jarııalanymda «búginde Qazaqstanda dinniń esh kedergisiz damýy úshin barlyq qajetti jaǵdaı jasalǵan. Dinge, dindarlardyń múddesine qurmetpen qaraý jáne olarmen qaltqysyz qarym-qatynas jasaý - bizdiń memleketimizdiń túbegeıli saıasaty», degen Elbasynyń sózi keltirilgen. Sondaı-aq basylymnyń jazýynsha, óz kezeginde Máskeý jáne Búkil Reseı Patrıarhy Kırıll N.Nazarbaevqa ultaralyq jáne konfessııaaralyq kelisim júrgizip otyrǵany úshin rızashylyǵyn bildirip, qazaqstandyq kóshbasshynyń ıntegratsııalyq bastamalaryn joǵary baǵalaǵan. Qazaqstandaǵy beıbit qatar ómir súrý men etnosaralyq kelisim qandaı oń saıası jáne ekonomıkalyq jetistikterge jetkizgenin, sonymen qatar elde etnosaralyq qatynastardyń damýyna jaıly jaǵdaı jasalyp otyrǵanyn, osynyń barlyǵy eldegi turaqtylyqtyń mańyzdy saıası faktory ekendigin erekshe atap ótken.

Mártebeli meımannyń elimizge sapary jaıynda jazylǵan kelesi maqala «Aıqyn» basylymnyń búgingi nómirinde «Meımanyna meıirimin tókken qazaqtaı halyq joq» degen taqyryppen jarııalanǵan. Basylymnyń jazýynsha, Elbasy Nursultan Nazarbaev Orys Pravoslav shirkeýiniń eń joǵary ordenderiniń birimen marapattalǵan. «Men Prezıdentke bul marapatty Astanada Ýspen kafedralyq soboryn salǵany úshin jáne Qazaqstanda turyp jatqan barlyq din ókilderine degen oń kózqarasy úshin tabys etemin», depti Búkil Rýs Patrıarhy óz sózinde.

Al osy taqyrypty qaýzaǵan «Alash aınasy» gazetiniń jazýynsha, mártebeli meıman elimizdiń Keńes Odaǵy ydyrap, tarıhta qoǵamdyq-saıası júıe aýysqan qıyn kezeńde eńse tiktegenin, biraq kórshiles elderdegi sııaqty qazaq jerinde ózge ulttardy jek kórýden týyndaıtyn qaqtyǵystar bolmaǵanyn atap ótken. «Bul - Qazaqstan basshysynyń saıasaty men qazaq halqynyń keńpeıildiginiń arqasy. Eldiń EQYU-ǵa tóraǵalyq etýi de osy kóregendiktiń moıyndalǵany», depti patrıarh Abaı atyndaǵy Memlekettik opera jáne balet teatryndaǵy kezdesýinde.

Mártebeli meımannyń sapary jaıynda «Astana aqshamy», «Lıter», «Vremıa», «Ekspress K», «Izvestııa Kazahstan» basylymdary da jan-jaqty jazǵan.

«Daǵdarys kezinde qarqyndy damyǵan sala». Qańtardyń 18-inde Aýyl sharýashylyǵy mınıstrliginde Úkimet basshysy Kárim Másimovtiń qatysýymen keńeıtilgen alqa májilisi ótti. Oǵan Parlament depýtattary, Úkimet pen mınıstrlikterdiń, agenttikterdiń jaýapty qyzmetkerleri, oblys ákimderiniń orynbasarlary, Aýyl sharýashylyǵy mınıstrligi men «KazAgro» ulttyq holdınginiń basshylyq quramy, óńirlik bólimsheler basshylary qatysty.

«Alqa májilisinde Úkimet basshysy Kárim Másimov sóz alyp, ótken jyly aýyl sharýashylyǵy salasynda atqarylǵan jumystarǵa jaqsy baǵa berdi. Endigi kezekte eńbek ónimdiligin arttyrý máselesine mán berilýi kerektigin aıtty. Ol úshin jańa tehnologııalardy eńgizý qajet. «Aýyz sý» baǵdarlamasyn oryndaý, et ónimderiniń eksportyn arttyrýǵa qol jetkizý salanyń aldyndaǵy mańyzdy mindetterdiń biri. Sonymen qatar Premer-Mınıstr agrobank qurýǵa qatysty oıyn bildire kele bıylǵy jyldyń qorytyndysynda ekinshi deńgeıdegi bankterde 11 mıllıard dollardyń nesıe resýrstary qalyptasqandyǵyn atap kórsetti», dep jazady «Egemen Qazaqstan» gazeti.

Alqaly jıyn arqaý bolǵan kelesi maqala «Alash aınasy» gazetinde «Qazaq bıdaıymen Mysyrdy da asyraımyz» degen taqyryppen jaryq kórgen. Basylymnyń jazýynsha, jıyn barysynda minbege kóterilgen «QazAgro» basshysy Asyljan Mamytbekov osydan eki-úsh jyl buryn sapasyna baılanysty toqyrap qalǵan Qazaq-Mysyr «astyq dálizi» qaıta jandanatyn bolady. Elimiz 2010 jyly Mysyrǵa 1,5 mln tonnaǵa deıin astyq eksporttaıdy», depti.

Al «Aıqyn» gazetiniń jazýynsha, alqa májilisinde vedomstvo basshysy Aqylbek Kúrishbaev ótken jylda aýyl sharýashylyǵynyń jalpy óndirisiniń kólemi 13,8 paıyzǵa óskendigin málimdegen. «Bul - sońǵy segiz jyldaǵy eń joǵarǵy kórsetkish», depti mınıstr. 2009 jyly sala 1 trıllıon 620,3 mıllıard teńgeniniń ónimin shyǵarǵan.

Qańtardyń 15-inde Venada QR Memlekettik hatshysy - Syrtqy ister mınıstri Qanat Saýdabaev Halyqaralyq atom energııasy jónindegi agenttiktiń (MAGATE-niń) bas hatshysy ıÝkııa Amanomen kezdesti. «Egemen Qazaqstan» gazetiniń jazýynsha, MAGATE-niń bas dırektory bizdiń elimizdiń óz aýmaǵynda ıAdrolyq otynnyń halyqaralyq bankin ornalastyrý týraly sheshim qabyldaǵanyna, munyń ózi Qazaqstannyń taratpaý isin jaqtaıtyndyǵynyń kezekti qýattaýy bolyp tabylatynyna rızashylyq bildirgen. ıÝ.Amano sondaı-aq birqatar halyqaralyq BAQ-tarda taratylǵan Qazaqstannyń Iranmen osy elge ýran ónimin berý jóninde mámilesi oryn aldy-mys deıtin aqparatqa baılanysty Qazaqstannyń ustanymy týraly jedel málimdeý jasaǵanyna alǵys aıtqan. Maqalada aıtylǵan jaıttarmen basylymnyń búgingi sanynda jaryq kórgen «Qazaqstan taratpaý úderisin tolyq jaqtaıdy» atty jarııalanymnan egjeı-tegjeıli tanysa alasyzdar.

***

«Aıqyn» gazetiniń dástúrli «Aq sóıle!» aıdarynyń búgingi qonaǵy - Azııadaǵy ózara is-qımyl jáne senim sharalary jónindegi keńes hatshylyǵynyń atqarýshy dırektory Dýlat Baqyshev. Ekeýara áńgime «Azııa keńesi eshkimge jalǵa berilmeıdi jáne uzatylmaıdy da» degen taqyryppen berilgen. Suhbat barysynda D.Baqyshev «Azııa keńesi EQYU-ny Azııada qaıtalaǵanymen, kóp máseleler boıynsha uqsas maqsattardy kózdeıdi. Azııa keńesinen basqa EQYU-ǵa balamany bizdiń aımaqtan tabý qıynǵa soǵady. Azııa álsiz emes. Ol Eýropaǵa qaraǵanda halqy men jer jaǵynan áldeqaıda úlken», depti

«Aqtaý qalasynda salynýy tıis atom elektr stansysynyń qaýipsizdigine jáne qarjylaı tıimdiligine baılanysty kóptiń kókeıinde júrgen túıindi jaıtqa Energetıka jáne mıneraldy resýrstar mınıstri Saýat Myńbaev núkte qoıǵandaı boldy», dep jazady «Aıqyn» gazeti. Mınıstrdiń qoıǵan «núktesiniń» jaı-japsaryn basylymnyń búgingi nómirinde jaryq kórgen «Mınıstr Myńbaev taqqan min. Reseılik merdigerler kepildik bermeı, Aqtaýdaǵy AES qurylysyn bastaýǵa bolmaıdy» atty maqaladan oqı alasyzdar.

***

«Astana aqshamy» gazeti Uly Otan soǵysynyń 65 jyldyǵy qarsańynda, sol bir surapyl jyldary qan maıdanda erlik kórsetken otandastarymyz jaıly maqalalar berýdi qolǵa alypty. Osyǵan oraı basylymnyń búgingi sanynda «Eskirmeıtin erlik» degen taqyryppen maıdanger Tóleýhan Shaıdildınovtiń ómirinen syr shertetin maqala jarııalanǵan.

***

«Parlament Senatynyń Tóraǵasy Qasym-Jomart Toqaevtyń atynan Qazaqstanǵa saparmen kelgen Máskeý men Búkil Reseı Patrıarhy Kırılldiń qurmetine Saltanat saraıynda túski qonaqasy berildi», dep jazady «Kazahstanskaıa pravda» gazeti. Basylymnyń jazýynsha, Senat Tóraǵasy biz­diń elimizde túrli dinder men kon­fessııalardyń beıbit ómir súrýin qoldaýdaǵy orys pravo­slavıe shir­keýiniń úlesin joǵary baǵalap, Patrıarh sapary pra­voslavıe shirkeýiniń Qazaqstanda damýyna tyń serpin beretinin atap ótken. «Biz bul kezdesýdi bizdiń mem­leketimizdiń halyqaralyq beıbit­shi­lik pen kelisimdi nyǵaıtý jo­lyn­daǵy kúsh-jigerine ejelgi jáne iri hrıstıan shirkeýleri biriniń ber­gen batasy retinde qabyldaı­myz», depti Q.Toqaev.

«Ekspress K» gazetiniń jazýynsha, keshe Májiliste ótken Úkimet saǵatynda depýtattar aldynda sóz sóılegen Eńbek jáne halyqty áleýmettik qorǵaý mınıstri Gúlshara Ábdihalyqova mınıstrliktiń halyqty eńbekpen qamtýdyń nátıjeli jańa modelin jasamaq nıette ekendigin jetkizgen. Aǵymdaǵy jyly «Jol kartasy» jobasy óz jalǵasyn taýyp, 3 myńnan astam ınvestıtsııalyq jobalar júzege asady. Olardyń qarjylandyrylýy respýblıkalyq bıýdjetten 82 mlrd jáne jergilikti bıýdjetterden 43,2 mlrd teńge kóleminde bolady.

Parlamentte ótken Úkimet saǵaty jaıynda «Izvestııa Kazahstan», «Ekspress K», «Kazahstanskaıa pravda», «Aıqyn», «Alash aınasy» gazetterinen de keń maǵlumat alasyzdar.

«Jeltoqsannyń 12-inde Taılandta tutqyndalǵan bortynda áskerı júgi bar Il-76 ekıpajynan jarylys zattaryn saqtaý aıyby alyndy», dep jazady «Vremıa» gazeti. Basylymnyń jazýynsha, redaktsııaǵa habarlasqan QR SІM resmı ókili Asqar Ábdirahmanov endi ushqyshtar ólim jazasyna kesilmeıtindigin aıtqan.