Dinaralyq dıalog: Astana halyqaralyq syılyǵyn berýge jańa ólshemsharttar qabyldandy
«Jumys toby hatshylyqtyń bekitýine kelesi ólshemsharttardy usynady: Astana halyqaralyq syılyǵyna jáne qurmet medaline úmitker retinde tulǵa nemese uıym usynyla alady. Olar kelesi ólshemsharttarǵa saı kelýi tıis - qoǵamda jáne memlekette adamgershilikti, ózara qurmetti, úılesimdikti nyǵaıtýda dinaralyq jáne órkenıetaralyq dıalogty damytýǵa ári ilgeriletýge zor úles qosýy. Ekinshiden – Álemdik jáne dástúrli dinder kóshbasshylary sezderiniń jumysyna qatysýy», - dedi hatshylyq otyrysynda QR Aqparat jáne qoǵamdyq damý vıtse-mınıstri Serik Egizbaev.
Onyń atap ótýinshe, úshinshiden, úmitkerler sezd, hatshylyq jalpy, sektsııalyq otyrystarynda ózekti máseleler boıynsha sóz sóıleýi qajet. Tórtinshiden, Álemdik jáne dástúrli dinder kóshbasshylary seziniń bastamashysy QR Tuńǵysh Prezıdenti – Elbasy Nursultan Nazarbaevtyń jahandyq ıdeıalary men bastamalaryn álemdik qoǵamdastyqta ilgeriletýi kerek.
«Qabyldanǵan sheshimder jumys toby otyrysynyń hattamasynda kórsetilgen», - dep túıindedi sózin vıtse-mınıstr.
Osy oraıda QR Parlamenti Senatynyń tóraǵasy – Álemdik jáne dástúrli dinder lıderleri sezi hatshylyǵynyń basshysy Máýlen Áshimbaev Astana halyqaralyq syılyǵy qazaqstandyq nagrada bolǵandyqtan sheshimdi sezd qarsańynda QR Prezıdenti qabyldaıtyndyǵyn atap ótti. Osydan keıin hatshylyq otyrysyna qatysýshylar jarııa etilgen ólshemsharttardy biraýyzdan qabyldady.
