Dınara Zákıeva: «Ádilet» partııasynyń jarǵysy men baǵdarlamasy qoǵam talqysynan ótti

Bul týraly Saıası keńes quramynyń múshesi, Bala quqyqtary jónindegi ýákil Dınara Zákıeva málimdedi.

Onyń aıtýynsha, partııa baǵdarlamasy uıymnyń negizgi ıdeıalyq ustanymdaryn aıqyndaıdy. Qujatta ádilettilik, patrıotızm, jaýapkershilik, eńbekqorlyq jáne progress basty qundylyqtar retinde belgilengen.

— Qujattar tıisti quqyqtyq saraptamadan ótip, bekitýge daıyn. Jarǵy men baǵdarlama jobalary partııanyń resmı saıtynda jarııalanyp, qoǵam talqysyna usynyldy. Nátıjesinde azamattardan kóptegen pikir men usynys kelip tústi, — dedi Dınara Zákıeva.

Sondaı-aq ol qujattardy jan-jaqty talqylaý maqsatynda birqatar strategııalyq sessııa uıymdastyrylǵanyn aıtty.

— Biz barlyq óńirden, túrli sala men uıymnan kelgen delegattarmen pikir almastyq. Túsken usynystar men usynymdar eskerilip, partııanyń aldaǵy baǵdarlamalyq qujattaryn ázirleý barysynda paıdalanylatyn bolady. Eń bastysy, ortaq talqylaýlar áriptesterimiz ben delegattardyń qundylyqtary men bolashaqqa degen kózqarasy bir ekenin kórsetti. Bul baǵyttaǵy jumys aldaǵy ýaqytta da jalǵasady, — dedi ol.

Saıası keńes quramy múshesiniń aıtýynsha, partııa jarǵysynda uıymnyń quqyqtyq mártebesi, maqsat-mindetteri, qurylymy, músheleriniń quqyqtary men mindetteri, sondaı-aq basqarý jáne baqylaý tártibi naqty aıqyndalǵan.

Aıta keteıik, «Ádilet» partııasynyń quryltaı sezinde saıasattanýshy Marat Shıbýtovta óz oıyn bildirdi.