Dınara Safına tennısten jattyqtyrýshy bolýǵa ázirge daıyn emes

Bul jaıynda ol búgin Astanada ótken baspasóz máslıhatynda aıtty.

«Shynyn aıtsam, men bul jaıynda áli oılanǵan emespin. Bul úlken jaýapkershilik. Máselen, sheberlik jattyǵýlaryna kelip, oıyn órnegin kórsetip, baǵaly keńester aıtý - ol bir másele. Al jattyqtyrýshy bolý úshin tıisti josparlar kerek bolady. Bul baǵytta búgingi jáne erteńgi jumystardyń naqty tizbesi qajettilik etedi. Menińshe, kez kelgen kásibı tennısshi bul qadamǵa jaýapkershilikpen, baıyppen keledi. Sondyqtan da men jeńil-jelpi  túrde «jattyqtyrýshy bolǵym keledi»  dep aıta almaımyn. Meniń oıymsha, osyǵan aldymen daıyndalý kerek»,-dep túsindirdi ol.

Aıta keteıik, búgin Astanada D. Safına jas tennısshiler úshin sheberlik jattyǵýyn ótkizdi.

Tanymal reseılik tennısshi D. Safına arqasynan alǵan jaraqatynan óziniń sporttyq mansabyn toqtatýǵa májbúr boldy. Esterińizge sala keteıik, onyń aǵasy Marat Safın de bul tartysty dodada álemniń birinshi raketkasy ataǵyna ıe bolǵan edi.