Dınara Sadýaqasova tegin onlaın shahmat mektebin ashty
NUR-SULTAN. QazAqparat - ıÝNISEF-tiń Qazaqstandaǵy Ulttyq izgi nıet elshisi, shahmattan birneshe dúrkin álem chempıony, grossmeıster Dınara Sadýaqasova shahmat úırengisi kelgender úshin onlaın mektep ashty, dep habarlaıdy QazAqparat.
«Dınara Sadýaqasovanyń onlaın shahmat akademııasy» alańynda chempıonnyń ózinen beınesabaqtar, tapsyrmalar, testiler tabýǵa bolady. Koronavırýs pandemııasyna baılanysty týyndaǵan jaǵdaıǵa oraı kýrs tegin. Saıtqa myna silteme arqyly kirýge bolady.
«Bárine arnalǵan shahmat» – Turǵyn úı qurylys jınaq bankimen birlesip júzege asyrylyp jatqan joba. Bizdiń maqsatymyz – shahmat oıynyna degen qyzyǵýshylyqty arttyrý jáne elimizdiń shalǵaı óńirlerinde shahmatty úırengisi keletin kez kelgen adamnyń barlyǵyna múmkindik berý. Álem jyldam damyp jatyr, qazir zııatkerlik qasıetter men oılaý jyldamdyǵy mańyzdy. Shahmat – bul daǵdylardy damytatyn tamasha qural. Alańda meniń qatysýymmen vıdeo-sabaqtar, 5000-ǵa jýyq tapsyrmalar bar, - dedi Dınara Saýakasova.
Kýrstarǵa turǵylyqty jerine qaramastan balalar da, eresekter de qatysa alady. Kýrs shahmat oıynshysynyń daıyndyq deńgeıine baılanysty qalyptastyrylǵan. Ár kýrs tanymdyq vıdeo-sabaqtar men bekitýge arnalǵan (jeńil deńgeıden kúrdelige deıin) 200 tapsyrmany qamtıtyn 20-25 bloktan turady. Kýrsty sátti aıaqtaǵan soń elektrondy sertıfıkat beriledi.
«Biz komandamyzben barlyq deńgeılerge arnap 10-nan astam saǵat shahmat sabaqtaryn jazdyq. Alańda sondaı-aq tanymal shahmat oıynshylarynyń dáristeri men semınarlary jarııalanatyn bolady. Barlyq adamdardyń shahmatqa degen qyzyǵýshylyǵy artyp, úırený múmkindigi bolǵanyn qalaımyz», – dedi Shahmat akademııasynyń dırektory Aınur Ótesheva.
