Dınara Sádýaqasova shahmat jaıly qazaqsha jazylǵan kitabyn tanystyrdy

​Kitaptyń ereksheligi - Qazastanda osy týyndyǵa uqsas halyqaralyq shahmat tehnıkasyn álemdik chempıonattar men halyqaralyq týrnırlerdi paıdalana otyryp kórsetetin qazaq tilinde oqý quraldary joq. Sondaı-aq, kitapta keıingi kezeńderdiń shahmat alfavıtteri berilgen.

Shahmatpen tanysý, tarıh, erejeler, taktıka, tapsyrmalar, efırlerdi sheshý, tapsyrmalarǵa jaýaptar, oıyn barysynda minez-qulyq erejelerin bilý - munyń bárin oqýlyqtan tabýǵa bolady.

Kitap Shahmardan Esenov atyndaǵy ǵylymı-bilim berý qorynyń jáne Qazaqstandyq shahmat federatsııasynyń qoldaýymen shyǵaryldy.

Dınara 2014 jyly «Shahmatta alǵashqy qadamdar» atty alǵashqy kitabyn shyǵardy. Ol ertedegi oıyndardy, jańadan bastaýshylarǵa arnalǵan qarapaıym tapsyrmalardy qoldandy. Balalar ózderiniń ata-analarymen birge shahmat álemimen tanysyp, shahmat teorııasynyń negizderin ala alady.

Kitaptyń avtory Dınara Sádýaqasova - shahmattan tórt márte álem chempıony, 2018 jyldyń tamyz aıynda álemdik reıtıngte 12-shi orynǵa ıe bolǵan eń myqty shahmatshylarynyń biri.

Grossmeısterdiń aıtýynsha, onyń basty maqsaty - Qazaqstan men Ortalyq Azııada shahmat oıynyn áıgileý. Turaqty týrnırler men shahmat oıyndary sessııalaryn ótkizýin, kitap jazý sebebin Dınara búgingi kúni shahmat - bıznes-kúres úlgisiniń biri ekenimen túsindiredi. Jeńiske jetý men jeńilýdiń durys daǵdysyn bilý, mindetti túrde oqyp tujyrym jasaı bilý - adamnyń jeńiliske degen durys kózqarasy men maqsat qoıý rýhyn qalyptastyrady.

Básekege qabiletti jáne ıntellektýaldy damyǵan jastardy qalyptastyrý úshin, ýaqytsha qysymmen logıkalyq máselelerdi sheshýge, mılaryn jattyqtyrýǵa, jadty jaqsartýǵa jáne qazirgi álemdegi tıimdilikti arttyrýǵa úırený úshin jaǵdaı jasaý bolyp tabylady. Bul rette shahmat oıyndary kómektesedi.

ıÝNISEF-tiń Adal nıet elshisi retinde onyń áleýmettik baǵdarlamasynyń mindetteri jahandyq maqsattaryna negizdelgen. Bir jyl ishinde Dınara Qazaqstandaǵy balalardy jáne jastardy damytýdy qoldaý boıynsha halyqaralyq uıymmen birge: shahmat oınaý boıynsha týrnırlerdi, bir mezgilde oınaý seanstaryn jáne sheberlik synyptaryn ótkizdi.

Dınara balalar men jasóspirimder arasynda shahmat oıynyn keńinen taratýǵa shaqyrdy. Onyń aıtýynsha, mektep, kolledj jáne ýnıversıtetterde shahmat sektsııalaryn, klýbtar men keńselerdi ashý qajet. Olar eldegi balalar men jastardyń qosymsha daǵdylaryn damytýǵa úlken serpin beredi.

Sonymen qatar belgili shahmatshy balalar men jastar arasyndaǵy shahmat oıynyn tanymal etý maqsatynda Qazaqstannyń ártúrli óńirlerinde úlken jumys atqarýda. Bıylǵy jyly Astana, Atyraý oblysy, Pavlodar, Aqtaý qalalarynda bir mezgilde oıyndar, master-klastar jáne týrnırler ótkizdi. Jeltoqsan aıynyń ekinshi onkúndiginde Qyzylorda jáne Túrkistan qalalarynda seanstar ótkizý josparlanýda.

2019 jyldyń basynda shahmatshy Atyraýda Dınara Sádýaqasova atyndaǵy shahmat akademııasyn ashýdy josparlap otyr. Mektep az qamtylǵan otbasylardan shyqqan balalarǵa arnalǵan tegin sabaqtar uıymdastyrady. Bıylǵy jyldyń 22 jeltoqsanynda Astanadaǵy Akademııanyń resmı ashylýy ótedi.

2019 jyldyń sáýir aıynda Dınara respýblıkalyq stýdenttik týrnırdi Astanada ótkizýdi josparlap otyr.

Aıta keteıik, Dınara Sádýaqasova - «Belaıa ladıa», «Memorıal L.Rýdenko», «Memorıal P. Izmaılova» atty xalyqaralyq jarystardyń laýreaty, Dýbaı Sheıhy Kýbogynyń ıegeri, «Memorıal G. Agzamova», «Pavlodar Open», «Moscow open», «Reykjavik Open», «Memorial Ridha Belkadhi, Women's Tournament», Open Internacional de Benasque, «Cannes Open», «Carpos Open», Pavlodar oblysy ákimi kýbogyynyń jáne t.b. bedeldi halyqaralyq jarystardyń jeńimpazy.

Qazaqstandaǵy shahmatty damytýǵa jáne belsendi qoǵamdyq jumystarǵa qosqan úlesi úshin «Qazaqstan Respýblıkasynyń Táýelsizdigine 20 jyl» medalimen, sportty damytýǵa qosqan úlesi úshin «Qurmet» jáne «Úmit» ordenderimen marapattaldy.