Dınara Sádýaqasova, Nazym Qyzaıbaı, Aıda Balaeva: Elordalyqtarǵa tanymal áıelderdiń sózi jazylǵan kámpıt taratyldy

ASTANA. QazAqparat – «Jańa adamdar» jastar qozǵalysy elordalyq qyz-kelinshekterge syrtynda tanymal áıelderdiń sózi jazylǵan 10 000 qorap kámpıt taratty, dep habarlaıdy QazAqparat tilshisi.

Merekelik syılyq retinde taratylǵan kápıt qorabynyń syrtyna óz isiniń úzdigi retinde jurtqa tanymal qyz-kelinshekterdiń jigerli sózi jazylǵan.

Belsendiler bul sharany áıelder qaýymyn qanattandyrý úshin uıymdastyrǵandaryn aıtady.

Oı salatyn sózi kámpıt qorabyna jazylǵandardyń arasynda QR Eńbek sińirgen mádenıet qaıratkeri, sýretshi, grafık, ıllıýstrator Nellı Býbe, QR Prezıdenti Ákimshiligi Basshysynyń birinshi orynbasary Aıda Balaeva, prodıýser Baıan Maqsatqyzy, Ǵylym jáne joǵary bilim mınıstriniń keńesshisi Aısulý Ernııazova, bıotehnolog, NASA-ǵa túsken alǵashqy qazaqstandyq Dámeli Mektepbaeva, bokstan eki dúrkin álem chempıony Nazym Qyzaıbaı, shahmattan 4 dúrkin álem chempıony Dınara Sádýaqasova, shoý-bıznestiń juldyzy Eńlik Qurarbek, «Jańa adamdar» jastar qozǵalysynyń kóshbasshysy Ásel Badenova sııaqty tanymal jandar bar.