Dınara Sádýaqasova Grand Swiss sýpertýrnırinde oınaıdy
NUR-SULTAN. QazAqparat – Qazaqstandyq shahmatshy Dınara Sádýaqasova 8-22 qazan aralyǵynda Anglııanyń Men aralynda ótetin FIDE Grand Swiss sýpertýrnırine shaqyrtý aldy, dep habarlaıdy sports.kz.
Týrnırdiń syılyq qory jarty mıllıon dollardy quraıdy, jeńimpaz aqshalaı syılyqtan bólek álemdik shahmat tájine úmitkerler týrnırine joldama alady.
«Álemdik shahmat táji – meniń burynnan kele jatqan maqsatym, men oǵan asyqpaı bara jatyrmyn. Budan bólek, mundaı týrnırge qatysý – abyroıly grossmeısterlermen kúshimdi synaýǵa jaqsy múmkindik», - deıdi Dınara.
Týrnırge ǵalamsharymyzdyń 105 myqty shahmatshysy shaqyryldy. Olardyń arasynda qazirgi shahmat tájiniń ıesi Magnýs Karlsen de bar.
