Dınara Sádýaqasova Dúnıejúzilik shahmat olımpıadasyna qatysýdan bas tartty
«Osy jazda men Úndistanda ótetin Dúnıejúzilik shahmat olımpıadasyna qatysýdan bas tartý týraly sheshim qabyldadym. Birqatar mindettemelerge baılanysty jaýapty sharaǵa daıyndala almadym. Degenmen aldaǵy jarystarǵa mindetti túrde qatysamyn degen senimdemin. Bul úshin negizgi faktor - oqytýdyń tıisti deńgeıine qajetti barlyq resýrstyń jetkilikti mólsheri», - dep jazdy ol Instagram- daǵy paraqshasynda.
Shahmatshy qyz jarysqa qatysatyn sportshylarǵa sáttilik tiledi.
«Árıne, búgin men barsha qazaq sportshylaryna kúsh-qýat, sáttilik tileımin. Áriptesterimniń abyroımen óner kórsetip, joǵary kásibı sheberlikterin kórsete alatynyna senimdimin»,- dep jazdy Dınara Sádýaqasova.
Buǵan deıin shahmattan Qazaqstan áıelder quramasynyń jattyqtyrýshysy Aleksandr Moıseenko aldaǵy Dúnıejúzilik shahmat olımpıadasynda komanda aldynda úzdik úshtikke ený mindeti turǵanyn aıtqan bolatyn.
28 shilde men 10 tamyz aralyǵynda Úndistannyń Chennaı qalasynda shahmatshylardyń 44-shi Olımpıadasy ótedi.
Eske salaıyq, bir aı buryn QR Prezıdenti Qasym-Jomart Toqaev shahmattan Qazaqstan áıelder quramasynyń múshelerimen jáne shahmat federatsııasynyń ókilderimen kezdesken bolatyn.
