Dınara Sádýaqasova álemdegi 100 myqty shahmatshy tiziminde 53-orynǵa ornyqty
ASTANA. QazAqparat - Dýrban qalasynda ótip jatqan jastar chempıonatynda qazaqstandyq shahmatshy, halyqaralyq grossmeıster Dınara Sádýaqasova 18 jastaǵy eresekter kategorııasynda altyn medaldi jeńip aldy, dep habarlaıdy Shahmat federatsııasynyń baspasóz qyzmetinen.
Fınaldyq raýnd aldynda oq boıy ozyq turýy bizdiń sportshynyń qarsylastarynan, olardyń sheberlik deńgeıleriniń joǵary bolǵanyna qaramastan, áldeqaıda basym ekendigin kórsetti. Dınaranyń qarsylastary - myqty degen 65 shahmatshy qyz, 42 eldiń chempıondary. Oıyn nátıjesinde sportshy 11 upaıdyń 10-yn jınady. Osylaısha ózimen birge týrnır boıy básekelesken germanııalyq Osmanodja Feliz-dan bir jarym upaıǵa alǵa ozdy. Úshinshi oryndy 8 upaımen qytaılyq Xiao Yiyi aldy.
Aıta keteıik, álemdik tıtýl - elordalyq shahmatshy qyzdyń qorjynyndaǵy úshinshi iri júlde. Ol 14 jáne 17 jasqa deıingi jasóspirimder arasynda jeńimpaz atanǵan bolatyn. Aıtý kerek, Dınara Azııa men álemniń úsh dúrkin vıtse-chempıony.
2014 jyl - Dınara úshin sátti jyl boldy. Halyqaralyq jarystardaǵy, sondaı-aq, Norvegııadaǵy Olımpıadanyń keremet nátıjeleri men Dýrbandaǵy álem chempıonatynyń altyn medali Dınaraǵa álemniń 100 myqty shahmatshy qyzdarynyń tiziminde 53-orynǵa jaıǵasýǵa múmkindik berdi.
