Dınara Sádýaqasova Aqtaýda sheberlik sabaǵyn ótkizdi
ASTANA. QazAqparat - Óńir basshysy Eraly Toǵjanov halyqaralyq áıelder grossmeısteri jáne erler arasynda shahmattan halyqaralyq sheberi Dınara Sádýaqasovany qabyldady, dep habarlaıdy Mańǵystaý oblysy ákiminiń baspasóz qyzmeti.
Grossmeıster Mańǵystaý oblysyndaǵy shahmatqa qatysýshy jas jetkinshekterge qyzyǵýshylyq tanytyp, osy sportty damytýǵa qoldaý kórsetkeni úshin oblys basshysyna alǵysyn bildirdi. Sondaı-aq, Dınara Sádýaqasova Mańǵystaý oblysynda aldaǵy ýaqytta ótetin týrnırlerge qatysýǵa daıyn ekendigin jetkizdi. Shahmat sheberi Dınara Sádýaqasova týrnırdiń qatysýshylaryna bir oıyn sessııasyn jáne sheberlik sabaǵyn ótkizdi.
Esterińizge sala keteıik, Mańǵystaýda shildeniń «Lazar Elmuhanbetov memorıaly» atty jasóspirimder arasyndaǵy shahmattan ashyq týrnır ótýde. Respýblıkamyzdyń barlyq aımaǵynan 160-tan astam jasóspirimder qatysýda. Shildeniń 5 kúni bastalǵan sport saıy shildeniń 12 deıin jalǵasady.
