Dınara Nurtaz: Qoǵamda memlekettik qyzmetshiler týraly jaǵymsyz pikir óte kóp
– Dınara Sabyrjanqyzy, siz óńirde memlekettik qyzmette istep júrgen belsendi jastardyń birisiz. Áńgimeniń álqısassyn memlekettik qyzmetke qalaı keldińiz, sodan bastasańyz.
– 2012 jyly Sh.Ýálıhanov atyndaǵy Kókshetaý memlekettik ýnıversıtetiniń ekonomıka fakýltetin támámdáp, dıplom aldym. Ol kezde meniń jumys tájirıbem joq edi. Degenmen, tanystarymnan bilim berý uıymdarynyń túlekterine arnalǵan «Jastar tájirıbesi» baǵdarlamasy týraly estip, sol arqyly Aqmola oblystyq Memlekettik qyzmet isteri basqarmasynda tájirıbeden óttim. Bul tájirıbeniń paıdasy zor boldy. Tálimgerlerimniń arqasynda kóp bilim men daǵdyny meńgerdim. Keıinnen onyń Jastar saıasaty máseleleri basqarmasynda bas maman bolýǵa da septigi tıdi. Osydan bastap meniń memlekettik qyzmettegi eńbek jolym bastaldy...
– Qazir siz Aqmola oblysynyń Sybaılas jemqorlyqqa qarsy qyzmetinde jumys isteısiz. Munda qalaı ornalastyńyz jáne nemen shuǵyldanasyz?
- 2014 jyly men ýnıversıtettiń magıstratýrasynda oqyp júrgenimde, quqyq magıstri dıplomyn qorǵaý úshin dıssertatsııalyq jumysyma «Sybaılas jemqorlyq jáne oǵan qarsy kúrestiń halyqaralyq tájirıbesi» taqyrybyn tańdadym. Al 2015 jyly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń aýmaqtyq departamenti bos laýazymdarǵa baıqaý jarııalady, taǵdyrym osy shyǵar dep, qatysýǵa bel býdym (kúledi). Baıqaýdan sátti ótip, Departamenttiń kadr qyzmetine qabyldandym. Qazir meniń jumys ornym ózgerdi, men senimdi seriktes retinde azamattardyń sybaılas jemqorlyq kórinisterine tózbeýshiligin qalyptastyrýǵa kómektesetin buqaralyq aqparat quraldarynyń kómegimen bizdiń memlekettik organnyń jurtshylyqpen ózara is-qımylyn qamtamasyz etemin. ıAǵnı, meniń negizgi mindetim - brıfıngter, sóz sóıleý men suhbattar uıymdastyrý, aqparattyq-taldaý materıaldaryn jazý, BAQ suraýlaryna jaýaptar daıyndaý jáne t.b. Sonymen qatar, áriptesterimmen birge sybaılas jemqorlyqqa qarsy saıasattyń mańyzdy baǵyttaryn túsindirý boıynsha is-sharalar ótkizemin.
– Siz memlekettik qyzmetshi retinde sol salanyń damýyna qandaı úles qostyńyz?
– Buryn men «Jiger» jas memlekettik qyzmetshiler klýby» jastar qoǵamdyq birlestiginde boldym, onda klýb ókili retinde memlekettik qyzmettiń oń ımıdjin qalyptastyrýǵa baǵyttalǵan is-sharalardy uıymdastyrýǵa qatystym. Sybaılas jemqorlyqqa qarsy qyzmetindegi jumysymda pandemııa kezeńinde memlekettik organ basshylary men belgili qoǵam qaıratkerleriniń qatysýymen túrli qyzmet salalarynyń ózekti máseleleri boıynsha tikeleı efırler uıymdastyrdym. 2020-2021 jyldary osyndaı 600-den astam suhbat júrgizildi. Sondaı-aq, sol jyldary «Antikornews» jobasy iske asyryldy, onda men beınejańalyqtar formatynda bizdiń óńirde sybaılas jemqorlyqqa qarsy is-qımyl boıynsha júrgizilip jatqan jumystar týraly baıandadym. Kásibı qyzmetten bólek, memlekettik organdardyń qoǵamdyq jáne sporttyq ómirine belsendi qatystym. Jumystaǵy eleýli jetistikterim úshin Sybaılas jemqorlyqqa qarsy is-qımyl agenttigi Tóraǵasynyń, Aqmola oblysy ákiminiń alǵys hattarymen, sondaı-aq memlekettik organ basshylarynyń gramotalarymen marapattaldym. Meniń oıymsha, óz mindetterin adal oryndaıtyn árbir memlekettik qyzmetshi memleketimizdiń damýyna qandaı da bir úles qosady.
– Memlekettik qyzmettegi jumystyń erekshelikteri týraly aıtyp berseńiz?
– Bilesiz be, qoǵamda memlekettik qyzmetshiler týraly jaǵymsyz pikir óte kóp, biraq bul túsinikti joqqa shyǵara otyryp, bizdiń de ómirde túrli jaǵdaılarǵa tap bolatyn el azamattary ekenimizdi aıtqym keledi. Memlekettik qyzmetshi - memleket pen halyq arasyndaǵy baılanystyrýshy býyn. Azamattardyń memlekettik apparatqa qatynasy memlekettik qyzmet qyzmetkerleriniń kásibıligi men adamgershilik qasıetterine baılanysty. Sondyqtan, men adal eńbek etip, memlekettik qyzmetshi laýazymyn maqtanyshpen jáne abyroımen alyp júrýdi bizdiń paryzymyz dep sanaımyn. Qazaqstandyq memlekettik qyzmetshi, ásirese óskeleń urpaq úshin ádeptiliktiń, adaldyqtyń, qarapaıymdylyqtyń, ádildiktiń úlgisi bolýǵa tıis. Jalpy, memlekettik qyzmettegi jumys úlken jaýapkershilikti, joǵary kommýnıkabeldilikti jáne eń bastysy, óz halqy men memleketine qyzmet etýge, patrıot bolýǵa degen shynaıy tilekti talap etedi. Mine, osyndaı ómirlik ustanymmen memlekettik qyzmetti 9 jyl boıy atqaryp kelemin.
– Áńgimeńizge rahmet!
