Dınara Egemberdıeva Túrkistan oblysy bala quqyqtary jónindegi óńirlik ýákili laýazymyna taǵaıyndaldy
Túrkistan oblysy bala quqyqtary jónindegi óńirlik ýákili laýazymyna Egemberdıeva Dınara Asylqyzy taǵaıyndaldy, dep habarlaıdy Kazinform.
Túrkistan oblystyq máslıhatynyń depýtaty Dınara Egemberdıeva jańa qyzmetke kiristi. Endigi jerde ol Túrkistan oblysy bala quqyqtary jónindegi óńirlik ýákili laýazymyn qosa atqarady.
Bala quqyqtary jónindegi ýákil balanyń quqyqtary men zańdy múddeleriniń buzylýy týraly ótinishterdi, jergilikti atqarýshy organdardyń jáne ózge de uıymdardyń áreketterine nemese beıáreketine qatysty shaǵymdardy qaraıdy. Sondaı-aq olar balalardy qorǵaý salasyndaǵy máselelerdi sheshýge arnalǵan zań jobalaryn damytýǵa, ilgeriletýge qatysady.
Al bul laýazymda 1 jarym jyl boıy qyzmette bolǵan Gúljan Verotskaıa bilikti psıholog retinde, jańa ýákilmen birge jumysyn jalǵastyratyn bolady.
