Dınara Daýylqyzy áıelder kúresinen U20 álem chempıonatynda qola júlde úshin beldesedi
ASTANA. KAZINFORM — Qazaqstandyq balýan Dınara Daýylqyzy Slovakııanyń Bratıslava qalasynda ótip jatqan U20 álem chempıonatynyń fınaldyq kezeńine joldama aldy.
Otandasymyz 53 kelige deıingi salmaqta jubanysh beldesýinde sátti óner kórsetti.
Daýylqyzy Qyrǵyzstan ókili Elmıra Karabalaevany senimdi túrde jeńdi. Endi qola medal úshin ótetin beldesýde Dınara Ózbekstan ókili Sakıbjamal Esbosynovamen kezdesedi.
Aıta keteıik, bir kún buryn Qazybek Qalmaǵambetov grek-rım kúresinen Qazaqstan qorjynyna altyn medal salǵan edi.
Eske salaıyq, buǵan deıin Halyqaralyq dzıýdo federatsııasy (IJF) Majarstannyń Býdapesht qalasynda ótetin Grand Slam týrnırine qatysatyn sportshylardyń aldyn ala tizimin jarııalaǵanyn habarlaǵan edik.
