«Dınamonyń» fýtbolshysy óz-ózine qol saldy
ASTANA. QazAqparat - Máskeýlik «Dınamo» komandasyndaǵy oıyndary arqyly tanylǵan Reseıdiń belgili fýtbolshysy Edýard Kosolapov qaza tapty. 39 jastaǵy oıynshy óz-ózine qol salǵan, dep habarlaıdy Dnı rý.
Ol reseılik birqatar fýtbol klýbtarynyń sapynda oınaǵan. Atap aıtqanda, máskeýlik «Dınamodan» bastap, «Lokomtoıv», «Tom», «Kýzbass» komandarlarynda óner kórsetken. Sońǵy jyldary «Mordovııa» klýbynyń quramynda oınap, 80 metch ótkizip, onyń 20-synda gol salǵan.
Jedel aqparat boıynsha, ol ózine tapanshadan oq atyp, kóz jumǵan. Sportshynyń máıtin birinshi bolyp áıeli tapqan.
«Ol únemi jaıdarly, kerek kezde qol ushyn bere alatyn adal adam boldy. Onyń óliminiń sebebin aıtý qıyn. Bizdiń klýbtaǵylardyń barlyǵy ań-tań», - dedi «Mordovııanyń» baspasóz hatshysy Evgenıı Sýleımanov.
Aıta keterligi, bul fýtbol álemindegi ózine-ózi qol salǵan alǵashqy oıynshy emes. Jaqynda ǵana Slovakııanyń burynǵy qorǵaýshysy 38 jastaǵy Marek Shpılar da ómirmen qosh aıtysqan bolatyn. Fýtbolshy mundaı qadamǵa jaýapsyz mahabbaty úshin barǵan.
