«Dınamo» sport qoǵamynyń balalar kúnine arnalǵan dástúrli merekelik sharasy ótýde
ALMATY. 31 mamyr. QazAqparat - Búgin elimizdiń túkpir-túkpirinde Halyqaralyq balalardy qorǵaý kúnine oraı «Dınamo - Qazaqstan búldirshinderine» atty qaıyrymdylyq sharasy ótip jatyr.
«Dınamo» dene shynyqtyrý jáne sport qoǵamy dástúrli bul sharany Almatyda qalalyq ishki ister departamentimen birlesip uıymdastyryp otyr. Ondaǵy basty maqsat - balalarǵa qýanysh syılap, qamqorlyq kórsetip, salaýatty ómir saltyn nasıhattap, sportqa baýlý. Bul joly Almaty qalalyq jáne Almaty oblystyq balalar úıiniń tárbıelenýshileri, 5571 áskerı bólimshesi qyzmetkerleriniń, aýǵan soǵysy ardagerleriniń, qaza tapqan ishki ister organdarynyń balalary jáne jaǵdaıy tómen otbasydan shyqqan jetkinshekter qatysýda. Olar túrli sporttyq jarystar ótkizip, arnaıy uıymdastyrylǵan kontserttik baǵdarlamany tamashalaıdy.
