«Dınamo» sport qoǵamy 90 jyldyǵyn atap ótýde
ASTANA. QazAqparat - «Dınamo» deneshynyqtyrý-sport qoǵamynyń Astana qalalyq fılıaly «Dınamo» qoǵamynyń 90 jyldyǵyn merekeleýge arnalǵan saltanatty sharany ótkizýde.
Sharanyń uıymdastyrýshysy - Astana qalalyq ishki ister departamenti men «Dınamo» deneshynyqtyrý-sport qoǵamynyń qoǵamdyq birlestigi.
Astana qalalyq ІІD baspasóz qyzmetiniń habarlaýynsha, dınamolyqtardy Qazaqstan Respýblıkasy Parlamenti Májilisi tóraǵasynyń orynbasary Abaı Tasbolatov, «ІІO men ІÁ ardagerleriniń qazaqstandyq uıymy» QB-niń tóraǵasy, general-maıor Ómirzaq Bolsambekov, quqyq qorǵaý organdary, QR Mádenıet jáne sport mınıstrligi, Qazaqstan halqy Assambleıasy, Astana qalalyq ákimdigi jáne basqa vedomstvolardyń ókilderi quttyqtady.
Merekeniń baǵdarlamasynda «Dınamo» qoǵamynyń qyzmeti týraly fılm, kontserttik nómirler men taekvondo, boks, qol jekpe-jegi jáne karatemen aınalysatyn jas dınamolyqtardyń óner kórsetýi ótti.
Sharanyń basty oqıǵasy - sport ardagerleri men dınamolyq qozǵalystyń damýyna laıyqty úles qosqan birlestiktiń basqa múshelerin marapattaý rásimi. Sondaı-aq Astana qalalyq fılıalynyń quqyq qorǵaý organdary jáne basqa arnaıy organdardyń arasynda ótken mereıtoılyq spartakıadanyń jeńimpazdary marapattaldy.
