«Dınamo» - «Astana» matchyn qaıdan tamashalaýǵa bolady
ASTANA. QazAqparat - Eýropa Lıgasynyń toptyq kezeńiniń matchynda Kıevtiń «Dınamosy» óz alańynda «Astanamen» synǵa túsedi, dep habarlaıdy Sports.kz.
Match 20 qyrkúıek kúni Astana ýaqyty boıynsha saǵat 22:55-te bastalady. Tikeleı kórsetilimdi «Qazsports» telearnasynan tamashalaýǵa bolady.
Kezdesý Kıevtegi 70 050 kórermenge arnalǵan Olımpıskıı USK-da ótedi. Onda Halıs Ozkahıa basqarǵan túrkııalyq tóreshiler brıgadasy tórelik etedi.
Aıta ketý kerek, atalmysh eki klýbtan bólek K kvartetinde frantsııalyq «Renn» men chehııalyq «ıAblonets» oıyn kórsetedi. «Dınamo» men «Astana» buryn-sońdy ózara oınap kórmegen. Qazaqstandyq klýb dınamolyqtarmen kezdeskennen keıin 4 qazan kúni óz alańynda «Renndi» qabyldaıdy.
