Dına Jolaman álem chempıonatyndaǵy alǵashqy jekpe-jegin sátti ótkizdi

YSTANBUL. QazAqparat - Bokstan áıelder arasyndaǵy álem chempıonatynda búgin, 12 mamyrda qazaqstandyq Dına Jolaman alǵashqy jekpe-jegin sátti ótkizdi, dep habarlaıdy QazAqparat.

Túrkııanyń Ystanbul qalasynda ótip jatqan álem chempıonatynda qazaqstandyq boksshy Dına Jolaman (54 keli) ıspanııalyq Marııa Madýeno Kondemen qolǵap túıistirdi. Jekpe-jek onyń aıqyn basymdyǵymen aıaqtaldy. Tóreshiler biraýyzdan Dınanyń jeńisine qoldaý bildirdi.

Osylaısha Dına Jolaman 1/8 fınalǵa joldama aldy.

Aıta ketsek, ol 2016 jyly álem chempıonatynda altynnan alqa taqqan edi.

Endi kúndizgi sessııada Rımma Volosenko (60 keli) anglııalyq Shona Ýıtýellmen jekpe-jekke shyǵady.

Keshki sessııada Darıǵa Shákimova (66 keli) ózbekstandyq Navbahor Hamıdovamen kezdesedi.

Álem chempıonatyna elimizdiń atynan 12 boksshy bardy.

Eske salsaq, búgin kúndizgi sessııada Nazym Qyzaıbaı jarys jolynan shyǵyp qaldy.

Sondaı-aq, odan buryn Aıda Ábikeeva (63 keli) men Nadejda Rıabets (75 keli) qarsylastaryna ese jiberip qoıdy.