Dına Islambekova Azııa chempıonatynda fınalǵa shyqty

ASTANA. KAZINFORM - Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda búgin, 6 sáýirde Dına Islambekova (80 keliden joǵary) sharshy alańǵa shyqty.

Asa aýyr salmaqtaǵy Dına Islambekova 1/2 fınalda ózine jaqyn tanys Oltınoı Sotımboevamen kezekti ret jekpe-jekke shyqty.

Otandasymyz 3 raýnd boıy qashyqtyqty qysqartyp, shabýylda belsendi boldy. Nátıjesinde tóreshiler 5:0 esebimen Dınany jeńimpaz dep tanydy.

Aıta ketsek, budan buryn el quramasynan Baqyt Seıdish (70 keli), Nadejda Rıabets (80 keli) fınalǵa joldama alsa, Valentına Halzova (70 keli), Mahmud Sabyrhan (55 keli) qola júldeger atandy.

Endi el quramasynan eki sportshy sharshy alańǵa shyǵady. Aldymen Ertýǵan Zeınýllınov (65 keli) taılandtyq Býndjong Sınsırımen qolǵap túıistirse, búgingi jarys kúninde sońǵy jekpe-jekti Tórehan Sabyrhan (70 keli) qytaılyq Peıchen Vanǵa qarsy ótkizedi.

Sondaı-aq elimizdiń erler quramasynan Orazbek Asylqulov (60 keli), Sabyrjan Aqqalyqov (75 keli), Nurbek Oralbaı (85 keli), Saǵyndyq Toǵambaı (90 keli), Aıbek Oralbaı (90 keliden joǵary), áıelderde Aıgerim Sáttibaeva (48 keli) jartylaı fınal joldamasyn sarapqa salady.

Qurlyqtyq dodada el quramasynan barlyǵy 13 boksshy jarysty jalǵastyrýǵa múmkindik aldy.