Din - tárbıeniń rýhanı tiregi
Gúlnár Jumanova medıtsına qyzmetkerlerine, din – tárbıeniń rýhanı tiregi ekendigin túsindirdi. Onyń aıtýynsha, dinı saýaty joq adamdar teris aǵymdardyń sońynan ilesip ketýi múmkin. Ásirese, jastar.
«Elbasy Nursultan Nazarbaev «Qazaqstandyqtardyń boıyna dinı radıkalızmge qarsy ımmýnıtet qalyptastyrý kerek»,-degen bolatyn. Bul sanamyzǵa tek qajetti aqparatty ǵana qabyldap, kerek emesin qabyldamaý qajet degen sóz. Teris aǵymdar psıhologııalyq turǵyda aldaý-arbaý arqyly degenderine jetedi. «Toǵyz joldyń» biri durys emes bolyp qalýy múmkin. Sondyqtan abaılap júrý qajet», – dedi dintanýshy.
Dintanýshy Gúlnár Jumanovanyń aıtýynsha, qazirgi ýaqytta elimizdegi din máselesiniń kún tártibinde turýyna bir ǵana sebep bar. Ol senim men tanymǵa baılanysty. Senim Islamda bir, ol barlyq álemdegi musylmandarǵa ortaq. ıAǵnı, Alla - bir, quran - shyn, paıǵambar - haq. Al, tanymǵa kelsek árbir musylman adam óziniń ulttyq dúnıetanymdyq kózqarastarymen tanıdy. Bizdiń ata-babalarymyz da osy ádisterdi qoldanǵan.
«Ókinishke qaraı, qazirgi tańda Islam dinin, qundylyqtaryn nasıhattaýda kóptegen metodologııalyq qaıshylyqtar bolǵandyqtan kópshilik arasynda dindi túsiný qıynǵa soǵýda. Ásirese jastar arasynda dástúrli dinı tanymynan aýytqyp, dindi dástúrden alshaqtap, óz tarıhyn men mádenıetin teristeý «bıdǵat», «shırk» degen sózderdi jıi estımiz. Dinı tanymdy anyqtaıtyn - ózimiz. Adamdar dinge bet buryp jatsa, onda aldymen dinı saýatyn arttyrý qajet dep oılaımyn», - deıdi Gúlnár Jumanova.
Kezdesýge jınalǵandar, búgingi álemde, qoǵamda bolyp jatqan terrorlyq áreketter men dinaralyq qaqtyǵystar týraly, sondaı-aq, qazirgi ýaqyttaǵy dástúrli emes dinı aǵymdardan qalaı saqtaný kerektigi jóninde kóptegen maǵlumattar aldy.
