Din taqyrybynda muǵalimderge arnalǵan semınar ótedi

ASTANA. QazAqparat - Búgin Astana qalasy ákimdiginiń Din problemalaryn zertteý ortalyǵy jáne QR DІAQM DІK Din máseleleri jónindegi ǵylymı-zertteý jáne taldaý ortalyǵy qala mektepteriniń «Zaıyrlylyq jáne dintaný negizderi» páni muǵalimderine arnalǵan «Zaıyrlylyq jáne dintaný negizderi» fakýltatıvtik kýrsyn júrgizýdiń ózekti máseleleri» atty semınar ótkizýdi josparlaýda, dep habarlaıdy Astana qalasy ákimdiginiń resmı saıty.

Semınar barysynda Din máseleleri jónindegi ǵylymı-zertteý jáne taldaý ortalyǵynyń dırektory Aınur Ábdirásilqyzy jáne din salasyndaǵy ózge de bedeldi tulǵalar dáris oqyp, din salasynda qabyldanǵan jańa zań jobasyn túsindirýmen qosa, «Zaıyrlylyq jáne dintaný negizderi» fakýltatıvtik kýrsyn júrgizýde qandaı máselelerge basymdylyq jasaý qajettigi, sondaı-aq pán muǵalimderine arnalǵan ádistemelik quraldyń jobasyna ustazdar tarapynan usynys-pikirler alý.

Atalmysh is-sharanyń ótkizilýi - ustazdardyń dinı qatynastar salasynda tájirıbeleriniń qalyptasýyna, bilim ordalarynda dintaný baǵytynda júıeli ári sapaly bilimniń berilýine septigin tıgizeri sózsiz.