Din saıasattan tys, tek qoǵamda bolýy kerek - Ǵ.Esim

Bul jaıynda búgin Parlament Senatynyń depýtaty, Ulttyq ǵylym akademııasynyń akademıgi, fılosofııa ǵylymdarynyń doktory, professor Ǵarıfolla Esim «Memleket pen din qarym-qatynasy modelderin jasaý jolyndaǵy izdenis» atty halyqaralyq ǵylymı-tájirıbelik konferentsııada málim etti.

Onyń aıtýynsha, sol zańnyń oryndalýyn ókiletti jáne basqarýshy organdar qadaǵalap otyrýy kerek. "Budan ary qoǵam men din degen másele shyǵady. Bul jerde zańdylyq bolǵanymen burynnan qalyptasqan din týraly túsinikter bar. Qoǵam dinge degen óziniń kózqarasyn eshqashan joımaǵan. Din - mádenıet. Elbasy álemdik jáne dástúrli dinder ókilderiniń basyn qosyp, 3 sezd ótkizgen kezde únemi "din - bul mádenıet" dep aıtqan kezi boldy. Dindi mádenıet dep túsingen jón. Elimizdegi dinder mádenıetti túrde jumys istese, ol bizdiń baǵytymyzǵa saı din. Eger mádenıetsiz din bolatyn bolsa, oǵan qarsy bolsa, onda ony biz din dep sanamaımyz", -deıdi Ǵ.Esim.

Sondaı-aq ol din degen óziniń boıyndaǵy, tabıǵatyndaǵy asyl qasıetterin alyp shyǵa bilý kerektigin aıtady. "Eger tarıhı bir qalyptasqan keleńsiz túsinikter bolsa odan arylý kerek. Memlekettik organdar bul jaıynda habardar bolyp, ıdeologııamen shuǵyldanatyndar buny bilýi qajet", -dep atap ótti óz sózinde Senat depýtaty.

Ǵ.Esim sonymen qatar din saıasattan tys, tek qoǵamda bolýy kerektigin jetkizdi. "Adamnyń dúnıege kelýi, ómir súrýi, ólim máselesinde din bolady. Eger din saıasattyń quralyna aınalyp ketetin bolsa, ol jaqsylyqqa aparmaıdy. Ókinishke oraı bizde dindi saıasattandyrý máselesi kórinis berip qalady. Buny toqtatýymyz kerek, onyń basty joly zań jáne sol zańnyń oryndalýy", -deıdi ol.

Professor bizde din jóninde zań buryn qabyldanǵandyǵyn, qazirgi ýaqytta ol jetildirilip, Prezıdenttiń qaraýyna qaıta jiberilgendigin aıtyp ótti.