Din salasyndaǵy tujyrymdama - dindi destrýktıvti maqsattarda qoldanýǵa jol bermeıdi - dintanýshy
«Din salasyndaǵy ýákiletti organnyń ǵylymı-sarapshylar qaýymdastyǵy, úkimettik emes uıymdar men dinı birlestikterdiń ókilderin keńinen tarta otyryp ázirlengen Qazaqstan Respýblıkasynyń din salasyndaǵy 2017-2020 jyldarǵa arnalǵan memlekettik saıasaty tujyrymdamasynyna Elbasynyń qol qoıýy qýanyshty jaıt», - dep málim etti dintanýshy.
Ol tujyrymdama memlekettiń dinnen bóliný qaǵıdatyna negizdelip ázirlengenin atap ótti.
«Qujattyń basty maqsaty - Qazaqstan Respýblıkasyndaǵy zaıyrlylyq qaǵıdattaryn nyǵaıtýdy kózdeıdi. Qazaqstandyqtardyń dinı senim bostandyǵyn, dindi ustaný nemese ustanbaý quqyǵyn qamtamasyz etý tujyrymdama jobasynyń aınymas negizi.
Tujyrymdama qoǵamymyzda is júzinde ornyqqan konfessııaaralyq kelisimdi nyǵaıtý baǵytyndaǵy memlekettik-konfessııalyq qatynastarǵa aldaǵy ýaqytta óziniń eleýli úlesin qosa otyryp, dindi destrýktıvti maqstattarda qoldanýǵa jol bermeýge septigin tıgizetindigine senimdimiz», - deıd Jalǵas Sandybaev.
Atalmysh qujat jobasy birqatar sarapshylar men dintanýshy mamandardyń, sonymen qatar azamattyq qoǵam ınstıtýttary ókilderiniń talqylaýynan ótken.
«Tujyrymdamada negizinde elimizde dinı bilim berý tártibin retteý, jasóspirimderdi dinı qyzmetke zańsyz tartýǵa jol bermeý, dinı ádebıetterdi taratý tártibin jetildirý jáne t.b. máselelerin sheshý joldary qolǵa alynǵan. Dindi ustanatyn azamattarymyzdyń dinı rásimderdi júzge asyrýyna qolaıly jaǵdaı jasaý tetikteri de qarastyrylǵan», - dep atap ótti sarapshy.
Dintanýshy memleket osy máselege barlyq salalardy tartýyna bas mán bergen.
«Bizge, ásirese, zaıyrlylyq qaǵıdattaryn halqymyzdyń ómir súrý saltyna aınaldyrý maqsatynda memlekettik basqarý men memlekettik qyzmet, quqyq qoǵaý, arnaıy qyzmet pen qarýly kúshter, buqaralyq aqparat quraldary, bilim berý, densaýlyq saqtaý, mádenıet pen sport júıelerin jumyldyra otyryp, elimizde áleýmettik-ekonomıkalyq jáne otbasy ınstıtýtynyń máselelerin sheshýdi kózdeıtin memleket pen dinı birlestikterdiń qarym-qatynasyna jaǵdaı jasalatyndyǵy óte unap otyr.
Tujyrymdama negizinde din salasyndaǵy memlekettik saıasat iske asyrylmaq, dinı birlestiktermen ózara qarym-qatynas damytylmaq, azamattardyń dinı senim bostandyǵy qamtamasyz etilmek. Sonymen qatar, memleket pen azamattyq qoǵam arasynda ózara árekettesý modeli qalyptasyp, zaıyrlylyǵymyz asqaqtaı túspek», - deıdi Jalǵas Sandybaev.
