Din salasyndaǵy memlekettik saıasat máselelerin túsindirý jumystaryna aýyldyq jerlerdiń bedeldi aqsaqaldaryn tartý qajet - Q.Lama Sharıf
ASTANA. 13 maýsym. QazAqparat - Din salasyndaǵy memlekettik saıasat máselelerin túsindirý jumystaryna aýyldyq jerlerdiń bedeldi aqsaqaldaryn tartý qajet.
Bul pikirdi búgin QR Úkimeti janyndaǵy Dinı birlestiktermen baılanystar jónindegi keńestiń otyrysynda QR Din isteri agenttiginiń tóraǵasy Qaırat Lama Sharıf bildirdi.
Onyń atap ótýinshe, aımaqtarda aqparattyq-nasıhattyq jumysty uıymdastyrý jáne memlekettik dinı saıasat salasynda medıa josparlaý boıynsha Din isteri departamenti men ákimdikterdiń ishki saıasat basqarmasy arasyndaǵy ózara baılanysty kúsheıtý mańyzdy.
«Din salasyndaǵy memlekettik saıasat máseleleri boıynsha túsindirý jumystaryna aýyldyq okýrgterdiń ákimderin, aýyldyq jerlerdiń bedeldi aqsaqaldaryn tartý qajet dep esepteımiz. Olar aqparattyq-nasıhattaý toptaryna qaraǵanda turǵyndarmen tikeleı jáne turaqty qarym-qatynas jasap, kúndelikti memlekettik talaptardy sheshýge qatysady. Olardyń pikirlerine bizdiń azamattarymyz qulaq asady», - dedi ol.
Q.Lama Sharıftiń paıymynsha, bul baǵyttaǵy jumysqa resmı emes ári shyǵarmashylyq turǵyda qaraý tıisti nátıje bere alady.
