Din salasyn retteıtin jańa zań jobasyna sáıkes dinı birlestikter óz mártebelerin ózgerte alady - Qaırat Lama Sharıf
TANA. 15 qyrkúıek. QazAqparat /Aıdar Ospanalıev/ - «Dinı qyzmet jáne dinı birlestikter týraly» jańa zań jobasynyń talaptary boıynsha dinı birlestikter qoldanystaǵy zańnamaǵa sáıkes bolǵan jaǵdaıda óz mártebelerin ózgerte alady»,
deıdi QR Din ister jónindegi agenttik tóraǵasy Qaırat Lama Sharıf.
Onyń sózine qaraǵanda, jańa talaptarǵa sáıkes, endi jergilikti dinı birlestikter óz aýqymynyń keńeıýine baılanysty aımaqtyq nemese respýblıkalyq bolyp ózgerýi múmkin. «Bul biz talqylap otyrǵan zań jobasynyń demokratııalyq baǵytta ekendigin taǵy da bir ret dáleldeıdi. Jańa zań talaptary boıynsha 50-den kem emes múshesi bar oblys aımaǵynda qyzmet etetin dinı birlestik - jergilikti dinı birlestik bolyp sanalady. Al aımaqtyq dinı birlestiktiń 500-den kem emes múshesi bolýy kerek. Onyń quramynda bir nemese odan da kóp jergilikti dinı birlestikter bolýy tıis jáne olardyń árqaısysynyń 250-den kem emes múshesi bolǵany lázim. Sondaı-aq respýblıkalyq dinı birlestikterdiń músheleri 5 myńnan kem emes bolýy qajet jáne olardyń barlyǵy Qazaqstan azamattary bolýy kerek. Respýblıkalyq dinı birlestiktiń músheleri elimizdiń barlyq aımaqtary men qalalarynda bolýy tıis. Buǵan qosa olardyń elimizdiń ár aımaǵynda 300-den kem emes músheleri, respýblıkanyń barlyq óńirinde qurylymdyq bólimsheleri, fılıaldary men ókildikteri bolýy kerek»,-dedi agenttik tóraǵasy.
Mundaı ózgerister sheteldik tájirıbeniń negizinde engizilgen. Mysaly Avstrııada dinı birlestik qurý úshin onyń sol elde turatyn, ózderin basqa dinı konfessııaǵa jatqyzbaıtyn 300-den kem emes músheleri bolýy kerek. «Eýropalyq Odaqtyń múshesi Rýmynııa Eýropadaǵy din týraly eń qatań zańǵa ıe memleket bolyp esepteledi. Olardyń zańyna sáıkes, dinı birlestikterdiń músheleri eldiń jalpy turǵyndarynyń 0,1 paıyzynan kem emes bolmaýy tıis. ıAǵnı, músheleri 23 myń adamnan az bolmaǵan dinı uıymdy ǵana memleket moıyndaıdy»,-dedi Q.L. Sharıf.
