Din mınıstrligi meshitte ýaǵyzdyń orys tilinde aıtylýyna qatysty resmı túsinik berdi
«Qazaqstan Respýblıkasy Din isteri jáne azamattyq qoǵam mınıstrligi Din isteri komıteti elimiz meshitterinde resmı ýaǵyzdardan keıin, onyń túsiniktemesi qosymsha túrde orys tilinde aıtylýy qajet degen másele tóńireginde birqatar BAQ-ta týyndaǵan talqylaýlarǵa qatysty túsindirme berýdi qajet dep esepteıdi.
Qazaqstan Respýblıkasy Din isteri jáne azamattyq qoǵam mınıstrligi Din isteri komıteti elimiz meshitterinde qazaq tilinde aıtylǵan ýaǵyzdardy keıin, qosymsha orys tilinde túsindirip ótý qajet degen másele tóńireginde birqatar BAQ-ta týyndaǵan pikirlerge qatysty túsindirme berýdi qajet dep esepteıdi.
Qazaqstan Respýblıkasy Parlamenti Májilisinde ótken ekstremızm men terrorızmniń aldyn alý máselelerine arnalǵan «dóńgelek ústelde» jekelegen meshitterde ýaǵyzdardan keıin ımamdardyń orys tilin paıdalanýy týraly másele, mınıstrlik tarapynan emes, osy sharaǵa qatysýshylardyń birimen kóterilgen bolatyn. Sáıkesinshe, QR Din isteri jáne azamattyq qoǵam mınıstri atalǵan is-shara barysynda osy másele tóńireginde jýrnalıster tarapynan suraqtar qoıylǵannan soń, birshama túsinikteme bergen bolatyn.
Mınıstrlikke ıslamǵa qyzyǵýshylyq tanytyp júrgen birqatar dindarlardyń meshit ımamdarynyń ýaǵyzdaryn tolyq túsinbeıtini týraly el azamattarynan ótinishter túsip otyrady. Ótinishterde sondaı dindarlardyń osy sebepti ıslam týraly aqparatty Qazaqstan musylmandary dinı basqarmasynyń resmı kózderinen tys jerlerden, onyń ishinde teris dinı aǵymdardyń ustanýshylarynan alýǵa májbúr bolatyny týraly aıtylady. Sáıkesinshe, ótinish jasaýshy azamattar halyqaralyq tájirıbeni eskere otyryp, meshit ımamdary resmı ýaǵyzdardan keıin qazaq tilin aıtarlyqtaı meńgermegen azamattar úshin orys tilinde de túsindirme berýdi usynady.
Osy rette, atalǵan másele turǵyndarynyń quramy kóptegen ulttardan turatyn eldimekenderdegi jekelegen meshitterge ǵana qatysty ekendigin aıta ketýimiz kerek.
Mınıstrlik, óz kezeginde, azamattardan túsip otyrǵan kez kelgen ótinishterdi qarastyrýǵa jáne olardy taldap otyrýǵa mindetti. Osy oraıda, mınıstrlik quzyretine Qazaqstan musylmandary dinı basqarmasynyń ishki máseleleriniń sheshimin tabý kirmeıtinin aıta ketkimiz keledi. Sondyqtan joǵaryda atalyp otyrǵan másele boıynsha, meshitterge kelýshilerdiń pikirlerin eskere otyryp, sheshim qabyldaýy tıis Qazaqstan musylmandary dinı basqarmasyna habarlasýdy usynamyz.
QR Din isteri jáne azamattyq qoǵam mınıstrligi Din isteri komıteti elimizdiń Konstıtýtsııasynda kepildik berilgen sóz bostandyǵyna qurmetpen qaraı otyryp, otandyq buqaralyq aqparat quraldaryn din tárizdi ótkir salada týyndap otyratyn máseleler týraly ekiudaı aqparat berýge jol bermeýge jáne turǵyndarǵa shynaıy aqparatty durys jetkizýge shaqyrady», delingen taratylǵan habarlamada.
