Din máseleleri jónindegi respýblıkalyq aqparattyq túsindirý toby Maqtaaraldyq turǵyndarmen kezdesti

MAQTAARAL. QazAqparat – Din máseleleri jónindegi respýblıkalyq aqparattyq túsindirý toby Túrkistan oblysyna qarasty Maqtaaral aýdanynyń turǵyndarmen kezdesti. Alqaly jıynǵa bilim berý mekemeleriniń tárbıe isi jónindegi orynbasarlary men dintaný pániniń muǵalimderi jáne zııaly qaýym ókilderi qatysty, dep habarlaıdy QazAqparat tilshisi.

Kezdesý jıyndaryn Atakent kentindegi Maqtaaral agrarlyq kolledjiniń jastarymen bastaǵan top ıslam dininiń qadir-qasıeti men qoǵamdaǵy rólin túsindirip ótti. Dinı saýatsyzdyq saldarynan álemge úreı týǵyzyp otyrǵan terrorızm, ekstremızm áreketteriniń aldyn alý joldarymen bólisti. Osyndaı kezdesýler aýdannyń basqa da bilim mekemelerinde ótti. Aıta keteıik, top quramynda M.Áýezov atyndaǵy OQMÝ dotsenti, PhD doktory Ermek Bekbosynov pen Ál-farabı atyndaǵy Qazaq Ulttyq ýnıversıteti, Dintaný jáne mádenıettaný kafedrasynyń aǵa oqytýshysy, PhD doktory Qudaıberdi Baǵasharov, QMDB Pavlodar oblysynyń ókil ımamy Joldas Bertymuratov pen Túrkistan oblysy qoǵamdyq damý basqarmasynyń «Din máselelerin zertteý ortalyǵy» KMM basshysynyń orynbasary Medet Halyqov bar.