Din qyzmetkerleri dop teýip, fýtboldan joldastyq kezdesý ótkizdi
ASTANA. 23 jeltoqsan. QazAqparat - Imam Mýslım jınaǵynda ardaqty paıǵambarymyz Muhammed paıǵambarymyzdyń (s.ǵ.s.): «Kúshti musylman álsiz musylmannan qaraǵanda Alla taǵalaǵa jaǵymdy ári qaıyrly...» - degen hadısi bar. Shynynda, musylman senim turǵysynan kúshti bolǵany sekildi dene-bitimi jaǵynan da myqty bolǵany abzal.
Osyǵan oraı 21 jeltoqsan kúni «Saryarqa» respýblıkalyq velotreginde Astana qalasy ımamdary men Din isteri agenttigi qyzmetkerleri arasynda fýtboldan joldastyq kezdesý ótti. Bul týraly Áziret Sultan meshitiniń resmı saıty jazady.
«Jalpy oıyn tórt komanda arasynda ótkizildi. Komandalardyń ekeýi qalalyq meshitterden jasaqtalsa, taǵy eki top Din isteri agenttigi qyzmetkerlerinen quraldy. Oıyn shynynda tartysty ári qyzyqty boldy. Eki saǵatqa sozylǵan kezdesýde rýhanııat salasynda qyzmet etip júrgen meshit ımamdary aıqyn basymdyqpen jeńiske jetti», - dep jazady muslim.kz saıty.
Oıynnyń maqsaty - birdi jeńip, bireýden jeńilý emes, kerisinshe kúndelikti jumys sátinen tys aradaǵy dostyq pen áriptestik qarym-qatynasty arttyryp, nyǵaıtý bolyp tabylady. Sóıtip, kún saıyn buqara halyqqa ımandylyqty nasıhattap júrgen Astana ımamdary bul joly sportpen shuǵyldanýdyń da salaýatty ómirge jeteleıtin ıgi is ekenin kórsete aldy.
