Din kóshbasshylarynyń VII seziniń deklaratsııasyn halyqaralyq uıymdar nusqaýlyq retinde qoldana alady - Prezıdent

NUR-SULTAN. QazAqparat – Memleket basshysy Qasym-Jomart Toqaev Álemdik jáne dástúrli din kóshbasshylarynyń VII seziniń jabylý saltanatynda sezd deklaratsııasynyń mańyzyna toqtaldy, dep habarlaıdy QazAqparat tilshisi.

«Qurmetti delegatsııa delegattary! Sezd óz jumysyn aıaqtap jatqan tusta din kóshbasshylarynyń zamanaýı álemdi ártúrli qabyldaýlar men kelispeýshilikterdi eńsere alatynyna jáne búkil adamzatqa ortaq ál-aýqat pen baqaýattylyqqa qol jetkizýge óz úlesterin qosa alatynyna senimdimin», - dedi Memleket basshysy.

Sondaı-aq, Qasym-Jomart Toqaev sezd Deklaratsııasynyń halyqaralyq deńgeıde paıdalanýǵa laıyq qujat ekenin atady.

«Tyńǵylyqty deklaratsııa qabyldanady jáne osy sezdiń jumys qorytyndysynda qabyldandy da. Bul óte mańyzdy qujat irgeli máselelerdi qamtıdy jáne ony búkil álemdegi halyqaralyq uıymdar men saıasatkerler nusqaýlyq retinde, kómekshi qural retinde qoldana alady. Bizdiń endigi mindetimiz – osy Deklaratsııanyń ıdeıalaryn dáıekti túrde ilgeriletý»,- dedi Prezıdent.

Buǵan deıin habarlaǵanymyzdaı, din kóshbasshylarynyń VIIІ sezi de Qazaqstanda ótetin boldy.