Din kóshbasshylarynyń kelesi sezinde «Astana» halyqaralyq syılyǵy tabystalady
QR Din ister jáne azamattyq qoǵam vıtse-mınıstri Berik Arynnyń aıtýynsha, «Astana» halyqaralyq syılyǵymen birge Álemdik jáne dástúrli dinder kóshbasshylary seziniń Qurmet medali beriledi. Atalǵan marapattar dinaralyq dıalogqa qosqan úlesi úshin tabystalady.
«Bul medaldardan úmitkerlerge qoıylatyn naqty talaptardy engizý týraly ortaq sheshim bar. Atap aıtqanda, úmitkerlerdiń dinaralyq jáne órkenıetter arasyndaǵy dıalogqa óz úlesterin qosýy tıis. Olardyń rýhanı úndestikti nyǵaıtý jolynda belsendi jumysy da eskeriledi. Úmitker Álemdik jáne dástúrli dinder kóshbasshylarynyń kem degende úsh sezine, sondaı-aq uıym hatshylyǵynyń otyrystaryna qatysýy qajet», - dedi Aryn.
Hatshylyqtyń búgingi otyrysynda «Astana» halyqaralyq syılyǵy men Álemdik jáne dástúrli dinder kóshbasshylary seziniń Qurmet medaline úmitkerlerdiń tizimin aldaǵy jıyndarda áli de talqylaý usynyldy.
«Bul usynysty Memleket basshysy Nursultan Nazarbaev sońǵy sezde jasaǵan bolatyn. Endi, ol syılyqqa osynda otyrǵandar ıe bolady», -dedi hatshylyq basshysy Qasym-Jomart Toqaev.
Aıta keteıik, Álemdik jáne dástúrli dinder kóshbasshylary sezi hatshylyǵynyń XVI otyrysyna Bedford epıskopy Rıchard Atkınson, «Somaııa Bharatııa Sanskrıtı Pıtam» úndi mádenıeti ortalyǵynyń dırektory Kalaı Dhanandjeı Acharııa, Ál-Azhar Joǵarǵy ımamynyń syrtqy baılanystar jónindegi keńesshisi Ábdilrahman Musa, Saýd Arabııasy Koroldigi Islam, vakýfter jáne úndeý isteri jónindegi mınıstriniń keńesshisi Abdýlla ıbn Fahd Ál- Lhıdan, Iran Islam Respýblıkasynyń mádenıet jáne ıslamdyq baılanystar jónindegi uıym prezıdentiniń orynbasary Gahraman Soleımanı, Islamabad halyqaralyq ıslam ýnıversıteti Islamdy zertteý ınstıtýtynyń bas dırektory Muhammad Zııa Ýl-Hak, «Nur-Múbárak» Mysyr Islam ýnıversıtetiniń rektory Goýda Basıýnı, metropolıti Emmanýıl Adamakıs, Armıan Apostol shirkeýiniń ýkraındyq eparhııasynyń jetekshisi Margos Oganesıan, Qasıetti Prestoldyń dinaralyq dıalog jónindegi Papa keńesiniń Islammen baılanys bóliminiń meńgerýshisi Haled Akashe, RF Dinaralyq keńesiniń atqarýshy hatshysy Dmıtrıı Safonov, Izraıldiń Bakashkenazıılik ravvıniniń ókili Elııahý Havlın, Qytaı býddısteri qaýymdastyǵy tóraǵasynyń orynbasary Hý Sıýefen, Dúnıejúzilik býddızm ýnıversıtetiniń rektory Anıl Man Sakıa, Mońǵolııanyń Býddızm ortalyǵynyń Gandan Tegchenlın monastyriniń dalaı lamasy Hýnhýr Bıambajav, Ortalyq Azııadaǵy «Chogechon» káris býddıstik uıymynyń ókili ıAng Kı Hýn, «Djındjıa Honche» halyqaralyq baılanystar derpartamentiniń dırektory Katsýdjı Ivahashı, Dúnıejúzilik beıbitshilik elshisi keńesiniń Bas hatshysy Pıchaı Tovıvıch, BUU Órkenıetter alıansynyń dırektory Metıý Hods pen QR Musylmandary dinı basqarmasynyń tóraǵasy, Bas múftı Erjan Maıamerov qatysty.
