Din isteri komıteti QMDB janyndaǵy teologtardyń ǵana ýaǵyzyn tyńdaýǵa keńes berdi
ASTANA. QazAqparat - Mádenıet jáne sport mınıstrligine qarasty Din isteri komıtetiniń tóraǵasy Ǵalym Shoıkın málim etkendeı, Qazaqstan musylmandary dinı basqarmasynyń janynda 32 myqty teolog maman bar jáne solardyń ýaǵyzyn tyńdaýǵa bolady. Bundaı pikirin komıtet tóraǵasy búgin «Din salasyndaǵy ózekti máselelerdi jarııalaý jónindegi aqparattyq jumystyń qaǵıdalary men basymdyqtary» atty din salasyndaǵy máselelerdi BAQ-ta jarııalaý boıynsha jýrnalısterge arnalǵan trenıng barysynda jýrnalısterdiń suraǵyna jaýap bere otyryp, málim etti.
Al, «Nurly bilim» qoǵamdyq birlestiginiń tóraǵasy Rústem Syzdyqov bolsa, Qazaqstan Musylmandary dinı basqarmasyna kirmeıtin, bolmasa, respýblıkalyq túsindirme-nasıhat jumystaryna qatysty joq adamdardyń qazaq tilindegi, bolmasa, orys tilindegi ýaǵyzdaryn tyńdaýǵa bolmaıtynyn málim etti.
«Ýaǵyz tyńdaýdyń eń durys joly - Qazaqstan musylmandary dinı basqarmasynyń resmı saıtynda sýretteri men aty-jónderi turǵan Qazaqstan musylmandary din basqarmasynyń negizgi ǵalymdaryn tyńdaý. Budan basqa Qazaqstan Musylmandary dinı basqarmasyna kirmeıtin, bolmasa, respýblıkalyq túsindirme nasıhat jumystaryna qatysty joq adamdardyń qazaq tilindegi, bolmasa, orys tilindegi ýańyzdaryn tyńdaýǵa bolmaıdy», -dep atap ótti.
