Din isteri komıteti: 55 saıtqa Qazaqstan aýmaǵynda taratylýyna sotpen tosqaýyl qoıyldy
«Elimizde dintaný saraptamasyn júrgizýdiń tolyqqandy júıesi qalyptastyryldy jáne ol teris sıpattaǵy dinı ádebıetterdiń elimizge taralýyna aıtarlyqtaı tosqaýyl qoıdy. Jarty jylda barlyǵy 1322 nysanǵa dintaný saraptamasy júrgizilip, 25 nysanǵa teris qorytyndy berildi»,-dedi komıtet basshysy.
Ǵ. Shoıkınniń sózine qaraǵanda, Internet keńistiginde dinı-ekstremıstik jáne lańkestik kórinisterdiń taralýyn shekteý baǵytynda 5 myńǵa jýyq saıtqa dintaný saraptamasy júrgizilip, 177 materıalǵa teris qorytyndy berildi. Atap aıtqanda, 55 saıtqa Qazaqstan aýmaǵynda taratylýyna sotpen tosqaýyl qoıyldy. Qalǵandary sot organdarynyń qaraýynda.
Halyqtyń dinı saýatyn arttyrý jáne radıkaldy ıdeıalarǵa qarsy nasıhat júrgizý maqsatynda aqparattyq-aǵartýshylyq E-islam ǵalamtor resýrsy ashyldy. Internettegi tanymal áleýmettik jelilerde din salasyndaǵy ózekti máselelerdi túsindirý júıesi qalyptastyryldy.
