Din isteri agenttigi qyzmetkerlerine dinı SMS-habarlama taratqan basshynyń áreketine túsinikteme berdi

«Shynymen de bizdiń blogqa bir azamat basshysynyń oǵan dinı mazmundaǵy SMS-habarlamalardy jiberetinine qatysty saýal kelip tústi. Ol óz kezeginde bizden bul habarlamalarǵa baǵa berýdi, ıaǵnı onda ekstremıstik mazmunnyń bar-joǵyn anyqtap berýimizdi ótindi», - dedi QR Din isteri agenttiginiń tóraǵasy Marat Ázilhanov QR Prezıdenti janyndaǵy Ortalyq kommýnıkatsııalar qyzmetindegi brıfıngte.

Belgili bolǵandaı, bul saýaldan keıin agenttik mamandary tıisti qorytyndy shyǵarǵan. «SMS-habar hrıstıandyq mazmundaǵy qaǵıdalyq mátinge qatysty boldy, ıaǵnı onda Іnjildiń úzindileri men qasıetti jazbalary qamtylǵan. Biz oǵan bul ekstremıstik mátin emes ekenin túsindirdik», - dedi agenttik basshysy.