Din isteri agenttigi «E-islam» portalyn ashýdy qarastyrýda
ASTANA. 17 maýsym. QazAqparat - «E-islam» portalyn ashý qarastyrylyp jatyr.
Búgin Parlament Májilisinde ótken Úkimet saǵaty barysynda QR Din isteri agenttiginiń tóraǵasy Qaırat Lama Sharıf osylaı málim etti.
«Tanymal áleýmettik jelilerde Agenttiktiń resmı paraqshalary ashyldy. Memleket basshysynyń tapsyrmasyn oryndaý maqsatynda jaqyn arada aǵartýshylyq baǵyttaǵy «E-islam» portalyn ashý josparlanady»,- deıdi agenttik basshysy eki jyldyń qorytyndysy týraly jasaǵan baıandamasynda.
Onyń aıtýynsha, «E-islam» portalynyń qolǵa alýyny ózekti. «Óıtkeni, jastarymyzdyń basym bóligi kitap oqýdy qoıyp barady, ǵalamtor maǵlumattaryna súıenedi. Ondaǵy dúnıelerdiń aq pen qarasyn anyqtamastan teris pıǵyldarǵa da boı uryp júrgenderi barshylyq. Soǵan qarsy retinde biz «elektrondy ıslam» portalyn ashýdy jón dep sanadyq. Bul Úkimettik portalǵa jatpaıdy, kerisinshe úkimettik emes uıymdardyń portaly bolyp tabylady. Al onyń maqsatyna kelsek, zaıyrly memlekettik turǵydaǵy qarapaıym halyqtyń, dintanýshy ǵalymdardyń, blogerlerdiń ınternettegi týyndap otyrǵan saýaldaryna jaýaptaryn jarııalap otyrý. Buǵan din sarapshylaryn da aralastyrǵymyz keledi», - deıdi Q. Lama Sharıf.
Onyń sózine qaraǵanda, portal qazaq jáne orys tilderinde júrgiziledi.
