Din ister jónindegi agenttik saıtynda QR-synda tyıym salynǵan lańkestik, estremıstik jáne soqyr senim men mıstıkalyq uıymdardyń tizimi ornalastyryldy
ASTANA. 9 qańtar. QazAqparat - Búgin QR Din isteri jónindegi agenttiginiń resmı www.din.gov.kz saıty jumysyn bastady. Bul týraly Agenttiktiń baspasóz qyzmeti habarlady.
Aqparattyq portalda qyzmetteri Qazaqstan Respýblıkasynda tyıym salynǵan lańkestik, estremıstik jáne soqyr senim men mıstıkalyq uıymdardyń tizimi ornalastyryldy. Sot sheshimderine sáıkes tyıym salynǵan dinı ádebıetter, oblystar men respýblıkalyq mańyzdaǵy qalalar boıynsha dinı jaǵdaı týraly aqparattar usynylǵan.
Sondaı-aq Agenttiktiń din isteri jónindegi aýmaqtyq departamentteri men baǵynysyndaǵy uıymdar týraly baılanys máimetteri bar. Saıtta Agenttik pen azamattardyń ózara is-qımylyn kúsheıtý maqsatynda halyqtan túsken suraqtar men olarǵa jaýaptar, azamattardy qabyldaý kestesi jáne senim telefondary ornalastyrylǵan.
Sonymen qatar «Memleket jáne quqyq» jýrnalynyń elektrondyq nusqasy jáne din máselelerin qozǵaıtyn barlyq normatıvtik-quqyqtyq aktilerdi qamtıtyn quqyqtyq baza da mańyzdy málimetterdi usynady.
